تصدرت المطربة بوسي مؤشرات التريند في مصر الساعات الماضية، بعدما تم الإعلان عن طلاقها رسميًا من زوجها مصفف الشعر هشام ربيع.
من جانبه، نفي أمين شقيق المطربة بوسي تصريحات هشام ربيع، التي قال فيها أن الانفصال جاء بسبب تخلي بوسي عنه برغم أنه تصدى لحل جميع مشكلاتها.
شقيق بوسي يفجر مفاجأة عن طلاقها من هشام ربيع
وأكد أمين إن تصريحات هشام ربيع ليست صحيحة بالمرة، مضيفا:” مفيش أي حاجة من الكلام ده خالص”
كما قرر أمين شقيق المطربة بوسي احترام الخصوصية بين الطرفين، رافضا التعليق علي أي أمور أخري تتعلق بشقيقته بوسي وطليقها هشام ربيع.
وقال هشام ربيع، في تصريحات صحفية: “حصل بالفعل الانفصال بيني وبين بوسي، وده بعد ما خلصتلها الموضوع بتاعها زي أي راجل مصري، وأي راجل مراته هتتعرض لابتزاز أكيد مش هيسكت، وأنا جبتلها حقها تالت ومتلت، وأي راجل مصري وحر مش هيسمح إن حد يبتز مراته.”
وتابع: “إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي وده اللي زعلني من بوسي، هي موقفتش جنبي خالص.”
وأضاف: “ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملولي مشكلة، وأنا ملقتهاش جنبي، فين الحب؟ أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة.”
اقرأ ايضا:
