أثارت الفنانة شمس، حالة من الجدل خلال الساعات الماضية بسبب تصريحاتها المثيرة في أحد اللقاءات التلفزيونية.
وقالت شمس: ” أنا اتطلقت وفضلت عايشة مع طليقي في نفس البيت، ومش حرام لأننا مش في نفس السرير، وكل واحد كان في أوضته، هو أنا هرمي جوزي في الشارع يعني؟.. الحرام إني أعاشر راجل وبعدين أرميه في الشارع”.
وتابعت: “الحرام إني أرميه وهو معندهوش بيت لسة، والحرام إني أعاشره بدون زواج، والمفروض الناس يقولوا عليا ست أصيلة مش يحرّموني، واللي بيقول حرام هو اللي بيعمل الحرام وبيعكسه عليا”.
وأكدت: “أنا معنديش أي عمل فيه إغراء وفيلم ثقافي مكانش إغراء، ولكن لو اتعرض عليا أقدم دور إغراء هوافق، ولكن بطريقتي؛ لأني بقدم إغراء شيك بدون عري ولا أسفاف، وبرفض ألبس قميص نوم في أعمالي، وبلبس بداله كاش مايوه احترامًا لعائلتي”.
