كشفت المطربة شيرين عبد الوهاب، سر اختفائها عن جمهورها ومواقع التواصل الاجتماعي المختلفة خلال الفترة الماضية.
وقالت شيرين عبد الوهاب، خلال لقائها في برنامج ET بالعربي: كل سنة وجمهوري بخير وسعيدة بوجودي في دبي.. أنا سعيدة إني رجعت من أول حفلة الكويت وبداية رجوعي وفيه مفاجأة كمان أيام في دولة جديدة ومبسوطة.. أنا رجعت لـ حياتي كأني سمكة رجعت للبحر، ومريت بـ ظروف نفسية أكبر مني كانت سبب غيابي والاختفاء كان جزء من نقاهة بقالي سنين محتاجاها ومازلت تعبانة نفسيًا وبتعافى.
وتابعت شيرين عبد الوهاب: الناس كلهم كانوا خايفين عليا وعايزني أرجع، وأنا ربنا كرمني بحب الجمهور والفنانين، وبحس أن كل البنات بناتي وأني بنتهم، وربنا ما يحرم أي شخص من ضحكته.
وفي سياق مختلف، تداول مستخدمو مواقع التواصل الاجتماعي مقطع فيديو للفنانة شيرين عبدالوهاب، قبل أيام من حفلها يوم 28 أبريل الجاري في الإمارات، تزامنًا مع عيد الفطر المبارك.
ووجّهت شيرين عبد الوهاب رسالة لجمهورها في الفيديو وقالت: أنا مستنياكم في الحفلة وبحبكم وأنتم كل حاجة ليا في الدنيا، ربنا يخليكم ليا يا أجمل حاجة في حياتي.
