شيرين عبد الوهاب تثير الجدل من جديد في حضور حسام حبيب

سنقول لقد كان عاما مليئا بأزمات شيرين،وتصرفات شيرين،وردود فعل حسام الحبيب التي كانت تتسبب في غضب الجمهور دائما، وذلك لأم  ردود أفعاله غير طبيعية.

شيرين أخذت فترة إستراحة محارب، وعادت على التريند، ولم تبعد حياتها الشخصية عن الأضواء،ولا منعت نفسها من الظهور بدون سبب،شيرين ظهرت بترقص أحلى من صافيناز ، هل تتخيل؟فأين ولماذا فعلت ذك؟ هذا ما نتعرف عليه من خلال التقرير التالي:

إيه اللى شيرين بتعمله ده؟ هى إتجننت؟دة شكلها سكرانة؟لا دة رجعت للممنوعات تانى؟هى مش هتبطل بقى تصرفات غريبة بتوقعها فى أزمات هى فى غنى عنها؟

ده كان أغلب ردود الأفعال على الفيديو اللى إتنشر لشيرين فى الساعات اللى فاتت،والصدى اللى عمله بين الجماهير ميقلش عن أى فيديو شيرين كانت بطلته الفترة الللى فاتت بالعكس يمكن أثار غضب الجماهير وإستغرابهم أكتر من أى أزمة مرت بها؟ عارفين ليه؟ أنا هقولكوا الحكاية..

شيرين واحدة واحدة بتحاول ترجع للظهور بين الجمهور،وتبقى وسطهم زى زمان وتنسي اللى فاتت ،الحقيقة إن الناس بتنسي فعلا،بس شيرين معندهاش فن إختيار طريقة الرجوع للساحة،ولا الدخلة المناسبة لجمهورها،وفاكرة إن لما تطلع بعبلها كده وعلى طبيعتها الأوفر اللى كلنا كنا شايفنها عفوية،كده بتكسب الجمهور وبترجع لمكانها الأصلى فى قلوبهم.

ولكن هى حسبتها غلط من الأول خالص،ومفيش داعى نحكى فى أزمات قديمة شبعنا كلنا منها طول السنة ولا إيه؟

شيرين حبت تقضى الكريسماس فى لبنان ،هى وحسام وأهو يرفوا عن نفسهم شوية من اللى شافوه طول السنة،حقهم وماله ،بس الظهور الأخير لهم مكناش فى صالحهم خالص،خاصة بعد إنتشار الفيديو الأخير ده وهى بترقص ولا أجدعها رقاصة محترفة،لا صافيناز ولا لورديانا يجوا جنبها حاجة.

شيرين كانت موجودة فى لبنان ومعاها بناتها وحسام ،وقاعدين فى نايت كلوب مع مجموعة من الأصدقاء لهم،فى الأول كانت بتدلع فى حسام وقامت حضنته على أغنيتها صبرى قليل جوزها وبتدلعه مفيهاش حاجة ربنا يسعدهم ،لكن المفاجأة بعد شوية أشتغلت أغنيتها بردوا اه يا ليل،ومن هنا بدأت وصلت الرقص لشيرين وطلعت على الكرسى والترابيزة ونسيت هى فين ومين حواليها وعاشت اللحظة وبس . وبقيت تتمايل يمين وشمال تنزل وتطلع وبحركات غريبة،تخليك تقول إنها مش وعيها خالص.

عفوية شيرين مقوية قلبها شوية،بس مش كل مرة عفويتها هتكون فى صفها بالعكس اللى يزيد عن حده بيتقلب لضده،ومش طول الوقت هنعلق أى تصرف لشيرين على شماعة العفوية ولاإنتو شايفين إيه؟

الفيديو ده طبعا أثار غضب وإستفزاز الجمهور،وإتفاجئ فعلا بظهور شيرين ده أكيد،لكن اللى أثار الغضب أكتر رد فعل حسام كان مبسوط بها وبيشجعها وبيسقف لها ،وطبعا رد فعل الجمهور كان تقيل شوية ومفيس داعى نقول قالوا إيه على السوشيال ميديا.

الأغرب بقى وجود بناتها فى مكان زى ده،والجو العام كله مش مناسب لبنات فى سنهم،إنتو الكبار قولنا ماشى براحتكوا،لكن بناتك ليه ياشيرين تخديهم معاكى أماكن زى دى؟ليه تعوديهم على لايف إستايل من صغرهم صعب شوية،بس هم شافوا كتير الفترة اللى فاتت وعانوا من أزمات أمهم، مجاتش على مرواحهم الملهى الليلى..

شيرين عندها حفلة فى الكويت يوم 12 يناير الجاى،وحطت شروط لحفلتها دى،طيب هل هيكون فى شروط لشيرين هى كمان على المسرح؟ولا عفويتها هتبقى سيد الموقف بردوا؟وهل تتوقعوا تصرفات غريبة لها فى الحفلة ولا ممكن تهدى الموضوع شوية وتاخد بالها؟ ورأيكوا إيه فى ظهورها الأخير وهى بترقص على الترابيزة كده؟