![فريدة سيف النصر](https://www.l2tat.com/wp-content/uploads/2023/05/%D9%81%D8%B1%D9%8A%D8%AF%D8%A9-%D8%B3%D9%8A%D9%81-%D8%A7%D9%84%D9%86%D8%B5%D8%B1.jpg)
حلت الفنانة فريدة سيف النصرـ الساعات الماضية، ضيفة مع الإعلامي عمرو الليثي في برنامج واحد من الناس، والذي كشفت فيه عن أسرار حياتها الخاصة.
وقالت فريدة: “اتجوزت مرة واحدة من أسامة الشافعي.. لكن الجوازة نفسها تلاتة لأننا كنا بنطلق ونرجع ونطلق ونرجع لأننا كنا مجانين خالص وبنحب بعض”.
“صاحبتي خانتني مع جوزي”.. تصريحات مفاجئة من فريدة سيف النصر
وتابعت: “تالت مرة ما قبلتش يكون عندي محلل ولا هو قبل وكان لأسباب جامدة بسبب واحدة دخلت في النص وكنت بسامحه كتير لكن في الموضوع ده مكانش ينفع. ”
وأكملت: “كنت بعمل مسرحية الغبي وأنا على مسرح الجلاء، وجت شخصية مهمة مش مصرية عاكست وقلت أدبها، ضربته بالشبشب جابوا ليا القسم ظابط المباحث وكان أسامة الشافعي اللي اتجوزته بعد الموقف ده”.
وتابعت: “قال عندها حق أنها قلت ادبها عليه والتاني بتاع سفارة وشخصية مهمة، وأسامة قالهم دي قريبة مين، قالوا لي بنت عم سيف بيه النصر حمدي المفتش بتاعك ومن هنا حصل تعارف وطلبني للجواز لكني كنت رافضة”.
وعن خيانة زوجها لها قالت: “صاحبتي أوي وظروفها صعبة جدا كنت أسيب لها البيت والعيال وكنت أساعدها وتاكل وتشرب وهي مش حلوة لكن دماغ وأنا كان عندي ثقة في نفسي واكتشت أنها اتجوزته وصعب صاحبتي تخوني وسايبة ليها كل حاجة”.
وعن رد فعلها بعدما علمت بخيانة صديقتها لها قالت: “ولا عملت ليها حاجة رغم أنها هدت بيتي وسافرت واشتغلت بره ومحمد ابني ابوه كان بياخده عندها في الإجازات وكنت بجيب لها هدايا هي وعيالها وهي سمعاني”.
وتابعت: “مفكرتش اتجوز وجاني عروض جواز لأني كنت جميلة جدا وكان كل هامي محمد واتعقدت من الرجالة لو مع السمرا يبقى عاوز البيضة على رأي محمد رمضان. ”
اقرأ ايضا: