حياة الفنانين مليئة أسرار وكواليس خاصة لو الفنان تزوج أكثر من مرة وتزجد مشاكل بينه وبين أبنائه، فهل رحل الفنان الأسمر وهو غاضب على أبنائه؟
سؤال بيطرح نفسه بعد ما مراته التانية كشفت أسرار عن آخر يوم ليه في الدنيا وإنه رفض يشوف ولاده وكمان كشف السر اللي خلى مراته الأولانية تتسبب في صدمة ليه وإيه حكاية النص مليون جنيه اللي طلبتها منه، ومين هي مراته التانية اللي اتجوزها وبقى بعيد عن ولاده، كل ده وأكتر هتعرفوه معنا.
شهرة حسن الأسمر
في حد يعرف إن حسن الأسمر اتشهر أساسًا وبقى فارس الأغنية الشعبية بعد ما نجم أحمد عدوية اتطفى لما حصلتله حادثة، طيب حد يعرف إن حسن الأسمر أساسًا كان نفسه يمثل وملوش في الغنا ولا الكلام ده، بس أهي جت معاه زي السكينة في الحلاوة والدنيا مشيت معاه، ده لإن صوته جميل فعلًا.
حسن الأسمر كان بيحلم بالتمثيل ومكانش بيفكر في الغنا وفعلًا بقى ممثل وحقق حلمه في نص التمانينات كده بس بقى متصيت في اللون الشعبي وعرف يسيب بصمة جامدة في قلوب جمهوره هو طرح أول ألبوم ليه سنة 1984، وكمان علامة الوحمة اللي على وشه كانت بتميزه دي أساسًا هي تميمة حظه وكان حريص إنها تظهر في بوسترات ألبوماته.
أبناء حسن الأسمر
زعندنا مثل بيقول “ابن الوز عوام” والموهبة أحيانا ممكن تتورث وده اللي نجح فيه حسن الأسمر وابنه هاني وبنته أمنية اقتحموا مجال الغنا الشعبي وليهم أغنيات زي باباهم بالظبط، يعني أمينة الأسمر، سجلت سنة 2015 أغنيتها الأولانية “دموع ملايكة”، وكانت معاها صديقتها إيمي بنت الفنان الراحل طلعت زكريا، وغنت تتر برنامج “مش لوحدك” وأمينة دي متجوزة مراد فكري صادق ابن الفنان فكري صادق، أما الفنان هاني حسن الأسمر، فبدأ الغنا من بدري وباباه هو اللي شجعه وقدم عدداً كبيراً من الأغاني الشعبية وكما أعاد غناء أغاني باباه.
آخر أيامه
وفارس الأعنية الشعبية حسن الأسمر اتجوز مرتين وكانت التانية من السيدة لبنى قدري، ودي أرملته وتعتبر فنانة لكن مش مشهورة أوي وحسن الأسمر كان بيشجعها على الفن بس هي اعتزلت عشان خلفت توأم، ولما ظهرت في مقابلة ليها كشفت تفاصيل آخر يوم في حياة حسن الأسمر واللي تعتبر مفاجأة للكل ووقتها كان نازل يصلي وقابل واحد صاحبه ولما ابنه حاول يروح معاه رفض وكمان اتأخر بره، ولما اتصلت عليه قالها بجيب زبادي وجاي وبعدها اتأخر أكتر واتصلت عليه لقيت تليفونه مقفول بس خلى حد يكلمها من طرفه وقالها إنه في العباسية ولما فتح تليفونه اتصلت عليه قالها أنا جاي ورجع البيت شغل التليفزيون ولقيت عينيه حمرا وهو كان مهمل في دوا الضغط.
بس حسن الأسمر كمل ساعاته عاجي وعلى الساعة 6 الصبح مراته لقيته ماسك قلبه وبيجري في الشقة هوب طلعت بيه على أقرب مستشفى وكلمت مدير أعماله وراحوا على مستشفى تانية وكلمت أخواته ووقتها عرضت عليه يكلم ولاده يشوفوه بس رفض، لكن محدش عارف هو بقى زعلان منهم ولا عملوله إيه محدش عارف.
صدمته الكبيرة
حسن الأسمر اتجوز من أم ولاده التلاتة فضلوا مع بعض عمر طويل لغاية ما في الآخر اتكتبت لعلاقتهم النهاية، بس اللي سببله صدمة في حياته إنه اتفاجئ بمراته الأولانية رافعة عليه قضية نفقة بـ480 ألف جنيه وده كان رقم كبير جدًا وقتها وجات له صدمة مع قرار منعه من السفر.
