أسرار من حياة عبدالله عمرو دياب وهل دينا الشربيني كانت سبب خلافه مع والده؟

عبدالله عمرو دياب.. اسم رفض يعيش في جلباب أبيه الهضبة عمرو دياب.. قال أنا سأبني نفسي ولا أريد أي مساعدة منك وسأنجح لكي لا يقولو نجح بسبب أبيه.

وفعلًا نجح إنه يعمل نفسه ويدخل الفن من باب تاني خالص أبوه ملوش يدْ فيه.. لكن إيه حكياة العلاقة التوكسيك اللي مكانتش عجباه في أبوه وليه قاطعه وراح يعيش في لندن وإزاي الهضبة قدر يسيب دينا الشربيني عشانه؟.. كل دي أسرار وحكايات في حياة ابن عمرو دياب هتعرفوا تفاصيلها معايا في التالي:

عبدالله عمرو دياب يعتبر من الشباب اللي اتربى في وسط ثقافة أوروبية وقدر يكون حاجة كبيرة في سنين قليلة جدًا ومع الوقت هيكون واحد من أشهر الفنانين الشباب الفترة الجاية.. وابن عمرو دياب بقى حديث الناس على السوشال ميديا اليومين دول من بعد ما ظهر في إعلان مع أبوه لصالح شركة محمول.. وحصل سخرية من الإعلان إنه مكانش عارف هو وأصحابه يجيبوا تذاكر حفلة وقال هيكلم أبوه فيلاقي أبوه في الاستوديو بيسجل أغنية يقوم يسيب كل أصحابه ويطلع على أبوه ويلحقه وطبعًا القصة دي خدت تريقة ما يعلم بيها إلا ربنا.. وعشان كده عملنالكم الفيديو ده عشان تعرفوا مين هو ابن الهضبة.

قمرين

عبدالله عمرو دياب كان حلم من أحلام أبوه الشخصية طبعًا الهضبة راجل شرقي كان بيتمنى يكون ليه ولد يشيل اسمه وبعد ما كانت أول فرحة عمرو دياب بنته نور من مراته الأولانية الفنانة شيرين رضا.. كانت مراته التانية السعودية زينة عاشور هي اللي بتحقق حلم الهضبة وسنة 1999 كان معاد ظهور عبدالله عمرو دياب للدنيا وهو كان توأم لاخته كنزي.. ومن فرحة أبوه بيهم غنالهم قمرين وظهر عمرو مع أبوه في الكليب ده.. ومع الوقت بقى عبدالله فرحان بشهرة أبوه وهو في المدرسة ووسط صحابه وظهر معاه كمان في أكتر من كليب تاني لحد ما قرر يكون بعيد عن الشهرة دي ويرفض الحصار المفروض عليه.

عاش في لندن

العيشة في مصر مكانتش مرغوبة لابن عمرو دياب ومع انفصال مامته زينة عاشور عن أبوه قررت تاخد ولادها وتروح تعيش بيهم في لندن وأهو يبقوا بعيد عن أجواء الشهرة ويعيشوا بحرية شوية وكمان أهو يدرسوا هناك والحياة أفضل هناك.. وقتها علاقة عبدالله بأبوه كان أحلى.

لكن الولد حلف ما يكون لأبوه أي دخل بشغله ولا يعمل معاه أي لقطة تقول إنه وقف جنبه.. وعشان كده ابن الهضبة دخل الفن من باب تاني يعني ملوش علاقة بأغني أبوه ولا الموسيقى اللي بيقدمها وعمل فرقة أجنبية كانوا بيغنوا فيها مع بعض أغاني الهيب هوب وأبوه مش بيعمل حاجة يساعده بيها غير إنه يدعمه في النجاح ده ويكتبله كلمتين حلوين على حساباته في مواقع التواصل وصباح الفل على كده.

 

علاقة توكسيك وقطيعة

طبعًا الدعم ده كان واضح للجمهور لحد ما جت فترة كده واتقطعت العلاقة بين عمرو دياب وابنه عبدالله.. ليه كده؟ ما الحياة كانت تمام إيه اللي حصل؟ هقولكم.. من وقت عمرو دياب ما ارتبط بالفنانة دينا الشربيني وهو كان بعيد عن ولاده من زينة عاشور لأنهم مباركوش العلاقة دي وكانت الوحيدة اللي وافقت على علاقتهم سوا بنته الكبيرة نور من الفنانة شيرين رضا.. لكن عبدالله بالذات كان شايف العلاقة دي توكسيك وتبقى نزوة من نزوات أبوه وإنها هيجيلها وقت وتخلص وإن دينا هي اللي مستفيدة من كل حاجة في العلاقة دي.

وعشان كده الابن قاطع أبوه ومبقاش في دعم ولا غيره أصل عمرو دياب شاف إنه كان هيخسر ابنه عشان علاقته بدينا الشربيني وعشان كده قرر يسيبها ويرجع ابنه لحضنه أصل ملوش غيره في النهاية يعني.. ولما جه يوم الانفصال عن دينا اعتبره عبدالله أسعد يوم في حياته ومن وقتها رجعت المية لمجاريها.

أغنى شاب في الوطن العربي

عارفين كلنا طبعًا الثروة الضخمة اللي بيمتلكها عمرو دياب ده غير البيزنس الجديد اللي دخله الفترة اللي فاتت واللي هيخليه هيبقى رجل الأعمال عمرو دياب.. وعشان الهضبة هو أغنى مطرب فطبيعي يكون عبدالله ابنه هو أغنى شاب في الوطن العربي لأن كل حاجة ملك أبوه هتكون ليه في يوم من الأيام.