![طليق ريم طارق زوجة حسن شاكوش يكشف مفاجآت مدوية](https://www.l2tat.com/wp-content/uploads/2023/05/%D8%B7%D9%84%D9%8A%D9%82-%D8%B1%D9%8A%D9%85-%D8%B7%D8%A7%D8%B1%D9%82.jpg)
“البنت مالهاش في الزواج وعندها تعب يمنعها من كده، وأهلها كانوا عارفين ومخبين عني، وعلى الرغم من كده جوزوها تانى”، هذا جزء بسيط من تفاصيل كثيرة كشف عنها طليق زوجة حسن شاكوش.
أيه اللى قاله تانى الزوج عنها ؟ وايه حكايه التعب الغريب اللى خلاها ملهاش في الزواج ؟ .. كل ده وأكتر هنعرفه مع بعض في التقرير ده.
اللى يعرف فيكم واللى مايعرفش زوجة حسن شاكوش الحالية الأستاذة ريم طارق طلعت متجوزه قبل منه، وعلى حسب كلام الزوج على موقع صدى البلد، فا الأستاذة ريم حكايته كبيرة قوى وتستحق أن الكل يعرفها ويتعظ بيها.
في الأول خالص في أول الكلام كشف الزوج السابق والطليق الحالي لريم طارق، زوجة حسن شاكوك أنها مريضه، عندها تعب يمنعها من الزواج، اللى قاله كده دكتور راحله من فتره لما كانوا متجوزين وقاله انها مالهاش في الجواز نهائي، دى اخرها تقعد جنب أمها في البيت إنما تكون زوجه لراجل لأ.
الخطير أن الزوج السابق قال أن أهل ريم كانوا عارفين بمرضها ده وكانوا مخبيين عنه، لأحد فيهم قاله في خطوبة ولا في فرح، كان همهم تتجوز وخلاص بعيدا بقى عن اللى هيحصل لها في الزواج.
مع أن الزوج ماقالش أيه التعب اللى كان عندها بس الناس على السوشيال ميديا بيقولوا أنها كانت مريضه نفسيا، أيه المرض بالتحديد ماحد لسه يقدر يجزم بيه، كل اللى اتقال أنها مريضة نفسيا وخلاص دون الدخول في تفاصيل تانيه.
على الرغم من ده كله، الزوج السابق والطليق حاليا لزوجة الفنان حسن شاكوش بيقول انه مكنش عايز يطلقها وأهلها هما اللى ضغطوا عليه وهو كان يعالجها على حسابه من جيبه الخاص، على حسب كلامه يعنى كان بيحبها، وهما قابلوا الحب ده بالكره وأجبروه يطلقها،
لأنها كانت منفتحة ومكنش عاجببها أسلوبه وعايزة فسح وحاجات كتير وهو كصعيدي مقبلش ده.
وكمان قال إن ريم وأهلها أخدو القائمة كلها اللى كانت مكتوبه ليها، وعفش الشقة كله وحتى الكماليات أخدوها من البيت، سلمهم مفاتيح الشقة وهما نفضوها من كل حاجة حرفيا، وهو معندوش مشكله في كده، هوا عادى مش فارق معاه على حسب كلامه، بس اللى مزعله دلوقتى أنه اهلها البنت رافعين عليه قضايا، أهم القضايا دى، قضية بخصوص القائمة، بيقولوا أنهم ماخدوهاش.
الطليق السابق لريم زوجه الفنان حسن شاكوك نفسه ومنى عنيه أنهم يتنازلوا عن القضايا دى اللى رافعينها عليه ويبطلوا يتكلموا عليه زى مابيقول، هوا عايز يعيش في هدوء وسكون وخلاص.
الفكرة دلوقتي أن الفنان حسن شاكوش بيقول انه ماكنش يعرف خالص بقصة الزوج السابق ده، كان كل علمه أنه فيه خطيب، واحد يعنى خطبها قبل منه وخلاص على كده، يعنى لا دخل بها ولا حاجه، فا ايه الوضع بقى ؟ .. اللى عنده تصور فيكم يكتب في التعليقات .. وكمان عايز اعرف رأيكم فى الكلام اللى بيقوله الزوج السابق ده، هل أنتم مصدقينه ولا لأ، مايكن يطلع بيكدب !.
زى ما لمحت ريم من شويه في “ستورى” نشرتها على حسابها على انستجرام، قالت فيها إن كلام طليقها السابق ده بالاتفاق مع حسن شاكوش، عشان المشاكل اللي بينها وبينه دلوقتى وأن اللي بيعمله ده شغل رخيص وهو كان عارف كويس أنها كانت متجوزة قبله لكنه مرضاش يقول عشان البنات اللي كان مواعدهم بالجواز.
لحد هنا ونكون وصلنا لنهاية الفيديو، عايزين نعرف رأيكم عن اللى بيحصل ده كله .. شاركوا برأيكم في التعليقات.