وجه الفنان عمرو وهبة الشكر لكل المهتمين بحالة ابنه “يحيى” الصحية، بعدما كشف مؤخرا أنه تم احتجازه لأكثر من 15 يوما في المستشفى.
كتب عمرو وهبة عبر حسابه بتطبيق Instagram: “شكرا لكل حد عارف إن يحيى تعبان وسأل أو اتكلم أو كتب كومنت واتصل، بعتذر إني مش عارف على كل الناس عشان بقالي شهر تقريبا بحكي كل يوم كذا مرة للناس والأهل والدكاترة والصحاب، وعامة احنا لسه معرفناش بالضبط إيه المشكلة ولا علاجها”.
عمرو وهبة يكشف مفاجأة عن مرض ابنه.. ما هي؟
وتابع: اللي عارفينه بس، إن مشكلة في المناعة حصلت له بسبب الكوفيد، شكرا لأي حد مهتم، انا عارف وحاسس والله، ومن الناحية الطبية، معنا دكاترة محترمة ومهتمة وعاملين اللي عليهم وزيادة، فموضوع ترشيح الدكاترة مشكور طبعا، بس دي مرحلة عديناها، وهي بس حاجة بتاخد وقت في التشخيص، ونتمنى طبعا مايطلعش في حاجة أصلا، وربنا يلطف ويخف وخلاص ومش عايز اعرف ايه دا، شكرا لاهتمام اللي كانوا عارفين واهتموا.
واحتفل عمرو وهبة مؤخرا مع متابعيه عبر حسابه بموقع تبادل الفيديوهات والصور «إنستجرام» بعيد ميلاده بطريقة كوميدية.
وظهر عمرو في فيديو وعلق عليه قائلاً: «من هنا ورايح بقى يوم عيد ميلادي مش هقدر أقول بقى عندي كام سنة لأسباب تتعلق بشغلي وبنوعية الأدوار اللي بترشح لها عشان مش حابب حالياً ألعب أدوار أبو البطلة اللي بيقول لبنته وحشتي بابي قوي وعدي على الحسابات خدي اللي انتي عايزاه».
مضيفاً: «بس أقدر أقولكوا إني إن شاء الله داخل أهو على أزمة منتصف العمر وهبدأ أعمل تصرفات صبيانية غير مسؤولة واعيش مراهقة متأخرة».
اقرأ ايضا:
