حلت الراقصة هندية، الساعات الماضية، صيفة في برنامج “كلام الناس” مع الإعلامية ياسمين عز على قناة ام بي سي مصر.
وقالت هندية: ” لما اتجوزت رجل الأعمال أيمن السويدي، كان ذكي جدًا وعمره ما قالي متنزليش الشغل، ولكن كان بيقولي أنا عايزك تقعدي معايا”.
فنانة شهيرة تفضح زوحها رجل الأعمال الكبير على الهواء: «أجهضني وجابلي عقم»
وتابعت: ” مرة قالي انزلي بسرعة عايزك علشان بابا في المستشفى، ونزلت وأنا بالروب اللي كنت لابساه فوق بدلة الرقص، وبعدها قالي لأ أنا مزاجي إنك متشتغليش النهاردة، ودي كانت القشة اللي قسمت ضهر البعير، وقُلت مش هشتغل تاني.”
وأضافت: ” أنا حملت من زوجي السابق أيمن السويدي، ولكن هو كان بيزعق ويقول مش عايز أولاد أنا هموت وأنا صغير، ودايمًا كان عنده هاجس إنه هيموت صغير، وأجهضت وبعد كده محصلش نصيب إني أخلف.”
وأكملت: ” أيمن قالي أنا مش عايز أولاد من فنانة ولكن من بعدها معرفتش أخلف تقريبًا الدكتور بوظلي حاجة الله أعلم.”
واختتمت: “قُلت لـ أيمن السويدي، أنا مش هكمل معاك لأنك خدت مني أي حلم الست بتحلم بيه، وأنا سيبت الفن علشان أبقى أم، وهو خد الحلم ده مني”.
