دائما الفنان بكون قدوة لجمهوره، بمعنى أنه عندما يأخذ قرار في حياته الشخصية لابد أن يراعي جمهوره، ورد فعله على تلك التصرفات.
“الوسط الفني” فيه قصص حب انتهت بالزواج، وفيه قصص تانية المجتمع رفضها لأنه مينفعش الفنان يتخلى عن ديانته، لكن ياترى مين هما النجوم اللي اتخلوا عن ديانتهم علشان الحب؟
وفاء الكيلاني تتخلى عنه ديانتها لتتزوج المخرج الشهير
آخر النجوم اللي اتخلوا عن ديانتهم علشان الحب.. المذيعة “وفاء الكيلاني”، واللي بتنتمي لأسرة مصرية ومسلمة وأبوها خريج جامعة الأزهر.
وبالرغم من كل ده إلا إن المذيعة الجريئة اتخطت كل الخطوط خصوصاً بعد شهرتها الإعلامية، واتجوزت “طوني مخايل” المخرج اللبناني الشهيركاول زوج ليها.
وفاء استمرت على ديانتها الاسلامية انما جوزها مسيحي اتجوزته جواز مدني اللي بترفضه الشريعة الإسلامية.
ديانا حداد تترك ديانتها لتتزوج حبيبها
اللي محدش يعرفه كتير إن نجمة الغناء العربي “ديانا حداد” صاحبة الحنجرة الذهبية اتخلت عن ديانتها المسيحية واعتنقت الدين الإسلامي لتتزوج حبيبها المخرج والمنتج “سهيل العبدول ” اللي كان سبب إسلامها.
ارتبطت به لفترة طويلة وحصل بينهم انفصال,, وبعدها اتقال كلام ان ديانا رجعت للمسيحية من تاني لكن هي ردت على ده وقالت إنها دخلت الإسلام عن اقتناع مش علشان الحب ولسة مسلمة لحد دلوقتي ــ ده كلام ديانا حداد.
عمر الشريف يتخلى عن ديانته ليتزوج قطة الشاشة
وتعتبر قصة نجم هوليود “عمر الشريف” مع قطة الشاشة “فاتن حمامة” من أشهر قصص الحب والعشق في تاريخ السينما المصرية.
النجم العالمي كان “يهودي” الأصل، لكن اتخلى عن ديانته بسبب حبه لقطة الشاشة العربية “فاتن حمامة” وعلشان عيونها اعتنق الإسلام ليفوز بقلبها، وبالرغم من كل الحب ده إلا إن قصتهم انتهت بالانفصال، واستمر “عمر” على الإسلام لحد رحيله.
ماري منيب تترك ديانتها بسبب محامي شهير
كمان ملكة الكوميديا “ماري منيب” صاحبة الأخلاق الكريمة قدمت في حياتها أجمل تضحية في قصص الواقع لما اتجوزت المحامي الشهير “عبدالسلام فهمي” وفي جوازهم حصلت ضجة.
لأن ماري كانت مسيحية وهو مسلم، فاستمرت على ديانتها ، وكان جوزها يسيبها تتعبد في الكنيسة وهو يروح الجامع لحد ما جت في يوم اعتنقت فيه الإسلام فعاشت مسلمة الى أن رحلت.
المخرج الشهير يترك ديانته ليتزوج سلوى خطاب
وأخيراً “أسامة فوزي” المخرج المميز والمعروف بصاحب الأفكار الشبابية المثيرة للجدل هو كمان كانت له قصة شهيرة في الوسط الفنيب .
الجمهور اتفاجئ بـ “أسامة فوزي” يترك ديانته المسيحية ليعتنق الإسلام علشان عيون الفنانة “سلوى خطاب” اللي عاش معاها قصة حب معروفة.
وبعدها اتجوزها وعاش مهاها فترة طويلة، ومن ضمن أفلام المخرج اساسمة فوزي فيلم “بالألوان الطبيعية، وبحب السيما، وجنة الشياطين”.
