الملامح والقبول أمام الكاميرا يمثل فرق بالتأكيد، حيث أن الجمهور يحب الفنان يكون مقبول له وإلا يشاهده من الأساس، وهذا ما حدث مع كثير من الفنانيين، الذين كانت ملامحهم سبب في شهرتهم.
وكمان المخرجين بيختاروا أدوار الفنانين بناء على الملامح اللي مع الوقت بتكون هي راس ماله، بس في فنانين بقى هربت منهم حكاية الملامح دي وبدأو يلجأوا لعمليات تجميل غيرت كل حاجة عنهم وفي منهم اللي كانت إضافة ليه ومنهم اللي كانت وشها وحش عليه، وفي الفيديو ده هنقولكم مين هما الفنانين اللي ملامحهم اتغيرت خالص بعد ما وقعوا في العمليات دي.
ملامحها هادية
وتعتبر منة فضالي لسه شباب دي موصلتش الـ40 سنة لسه وهي مميزة بأعمالها الكتير اللي بتشارك فيها وطبعًا في اللي نجح مع الجمهور وفي اللي محققش المطلوب وهي أصلًا في بداية مشوارها كانت بتقبل أي دور يجيلها وهي ملامحها هادية بس غيرت شكلها ورغم إنها مغيرتش كتير بس كان واضح إن الشفايف والحواجب مختلفين عن البدايات خالص.
الشغل ليه أحكامه
دي بقى مفيش خلاف على طلتها اللي بتخلق حالة من الفرح عند المشاهد وطريقتها في رمي الإيفيه زي ما بيقول الكتاب يعني خفة الدم واضحة وده المطلوب في نجم الكوميديا.
بس هي كان ليها وجهة نظر ب إن واحدة في شهرتها هتحافظ على جمالها عشان الشغل وهي دلوقتي بقت مشهورة بكلمتين “متعدش يا جيمي” لما اتسألت هي عملت كام عملية تجميل، وهي عملت بوتوكس عشان العلامات والخطوط وكمان عملت تعديلات في حواجبها.
تغيير مش مطلوب
من النجمات اللي اتشهرت من بوابة ظهورها في أعمال فنية في مصر وهي دايمًا بتهتم بخطوط الموضة والجمال وفي فترة من الفترات شوفنا ليها صور وضحت تغيير في شكل مناخيرها وشفايفها وخدودها رغم إنها حلوة عمومًا بس هي أصرت على التغيير بس المتابعين اتصدموا من شكلها لإن التغيير اللي عملته كان كتير.
بقت أصغر
المطربة ميادة الحناوي من الأصوات اللي ليها تقلها في الوطن العربي كله مش في بلدها سوريا بس، يعني مين ينسى “أنا بعشقك” وغيرها من الأغاني اللي من الزمن الجميل وعايشة معانا لحد دلوقتي بس مع الوقت لقينا ميادة شكلها بيتغير بعد ما عدت الستين دلوقتي وهي بقى محافظتش على شكلها ورفضت الكلام ده.
لأ ده غيرت شكلها خالص والجمهور معرفهاش لما دكتور التجميل اللبناني نادر صعب نشر صورها، واتضح إنها عملت شد للوجه وبوتوكس الجدين وإزالة اللغد وقدرت تخفي علامات التجاعيد وكان الموضوع في صالحها وبقت أصغر من سنها.
قلب ضدها
والفنانة وفاء سالم من الفنانين اللي أثبتوا جدارتهم في التمثيل سواء في مصر ولا سوريا ومن اول ما اكتشفها المخرج المصري عاطف سالم، وهي بتاخد أدوار كويسة بس إنها تغيب وترجع ده قلل ظهورها في أعمال فنية وإلا كانت هتبقى في حتة تانية خالص، وهي من الفنانات اللي لجأوا للتجميل بعد عدت الـ55 عشان تداري عيوب عندها وكان نفسها تغير وشها.
بس الموضوع قلب ضدها وبقى شكلها مشوه، وقالت عن الموضوع ده إن صور تغيير ملامحها اللي اتشوهت حصلت لإنها لجأت لمراكز تجميل عاملة عروض وهي مش عارفة بين الحلو والوحش وعملت حقن فيلر وحقن في الشفايف بس بعدها خدودها كبرت ومش عارفة تتكلم بس مع الوقت بدأت تلجأ لمراكز متخصصة وتعمل عمليات تصحيحية بس كان بعد فوات الأوان خلاص.
ملهاش حق
الفنانة مي عمر رغم إنها لسه في سنة 34 من عمرها ووشها على الشاشة مقبول بس هي بردوا لجأت لعمليات التجميل عشان تبان أحلى المفروض، بس الموضوع بردوا كان ضدها وبقت ملامحها أكبر من سنها وشكلها اتغير ورغم إن اللي عملته مش أوفر بس هي دلوقتي حاجة وبداية ظهورها في الأعمال الفنية حاجة تانية وهنلاحظ إنها عملت نحت في وشها وتجميل للأنف والحواجب وفيلر للشفايف.
