فنانين كثيرين نراهم على الشاشة ويعجبنا أدائهم، ولكن الجمهور دائما يهتم بمعرفة المزيد من الاسرار عن الفنان المفضل لديه، لذلك تجد البعض يسألن عن ديانة بعض الفنانيين، وفيما يلي سنكشف بعض الفنانين التذين أثاروا الجدل في هذا الشأن.
وصلت العالمية
الإعلامية اللبنانية ريا أبي راشد، قدرت تحقق نجاحات كبيرة في مجال الإعلام وتقديم البرامج واستضافة النجوم لدرجة إنها وصلت العالمية ووقف قدام نجوم كبار، وعملت معاهم لقاءات الجمهور بيحلف بيها وبنجاحها لحد دلوقتي، وفي لقاء ليها قبل كده قالت إنها مش بتحب التفريق بين الطوائف، وهي كمان شخصية مش دبلوماسية في حياتها المهنية، ومعندهاش صبر، بس في النهاية هي بتنتمي لعيلة مسيحية في لبنان وديانتها مسيحية واتجوزت الصحفي الإيطالي فاليرو كامارانو سنة 2011، وهو من نفس ديانتها.
ليه الحيرة؟
الفنانة هيدي كرم اتولدت يوم 27 أغسطس سنة 1980 في حي شبرا في محافظة القاهرة وظهرت في الإعلانات واشتغلت مذيعة راديو ومقدمة برامج وشاركت في أعمال فنية من بينها “بنت شبرا” اللي كان نقطة انطلاقتها وكان آخر أعمالها مسلسل “الاختيار 3″، وموضوع ديانتها شائك والناس بتقول إنها كانت متجوزة من شخص على غير ديانتها، وقالت عن موضوع الجواز تاني إنها ممكن تتجوز واحد من غير ديانتها عادي عشان بطبعها ست متفتحة ومنفتحة على الآخر والثقافات المختلفة والديانات المختلفة، وده طبيعي ودي شخصيتي اللي بتفخر بيها، بس هي في الحقيقة مولودة لأب مسلم وأم مسيحية وبالتالي هي مسلمة عشان الانتماء للأب لكن ده ميمنعش إن عيلتها فيها أشخاص ديانتهم مسيحية، ومحدش يعرف إذا كانت هي نفسها مسيحية على نفس ديانة مامتها ولا لأ.
متعلمة التقاليد
الفنانة اللبنانية كارمن بصيبص من ضمن القايمة اللي معانا وهي من مواليد يوم 9 أكتوبر سنة 1993 يعني عندها 30 سنة ودي كانت بدايتها سنة 2011 واشتغلت في بداية مسيرتها كمخرجة وبعدين بدأت تشارك في الأعمال الفنية واشتهرت بموهبتها وكمان جمالها ساعدها وهي درست واتربت واتعلمت في لبنان ومتجوزة رجل أعمال ومش بتكشف معلومات شخصية عن نفسها للجمهور، بس الصحافة اللبنانية قالت إن كارمن اتعلمت تقاليد الدين الإسلامي وكمان بتعتنق الديانة الإسلامية زي والدتها، رغم إن باباها مسيحي الديانة.
جمالها معدي
الفنانة اللبنانية نادين نسيب نجيم، قدرت تكون واحدة من أهم نجمات لبنان والوطن العربي وتقلت بجد في مجال التمثيل اللي بدأته بمسلسل “خطوة حب” ومن بعدها بقى ليها مسلسل كل سنة في دراما رمضان أشهرهم “لو، تشيللو” وآخر أعمالها مسلسل “وأخيراً”، وهي ليها جمال ساحر واتعرفت في مسابقة ملكة جمال لبنان لما فازت باللقب، وهي فنانة مسيحية بتنتمي للطائفة المارونية بس كلمتها اعتنقت دين تاني هو الإسلام. ولما اتكلمت عن نشأتها الإسلامية والمسيحية في مقابلات ليها وتأثير العقيدتين عليها وشخصيتها قالت إن مامتها كانت منفتحة وكانت بترافقهم على الكنيسة لأداء الصلاة.
الجواز وسنينه
واتمرجحت حياة الملحن المعروف ملحم بركات بين الإسلام والمسيحية عشان يحقق هدفه ويتجوز اللي بيحبها وهو في الأصل مسيحي اتجوز المطربة صباح، وبعدين راندا عازار، واللي بتعتبر أم ولاده مجد ووعد وغنوة، وفضل على الديانة المسيحية لحد ما اتجوز مي حريري، وأعلن اعتناقه الإسلام بس بعد انفصالهم ارتد وبقى مسيحي، وفي مقابلة لمي قالت فيها: “هو اعتنق الدين الإسلامي عشان يتجوزني وارتد بعد طلاقنا لكنه هو مسيحي فعلًا وقام بتعميد ابننا الوحيد ملحم جونيور وينتمي للطائفة الأرثوذكسية”، ولما رحل ملحم بركات اتعملت ليه شعائر جنازته في كنيسة مار نقولا للروم الأرثوذكس في منطقة الأشرفية في بيروت واتدفن في مدافن العائلة في كنيسة القدسين بطرس.
باسم يوسف سبب شهرته
الفنان شادي ألفونس اشتهر بمشاركته في برنامج “البرنامج” مع باسم يوسف وهو اللي كان سبب شهرته من سنة 2011 ولحد دلوقتي اسم شادي معروف للجمهور لأنه كمان عمل ثنائي مع خالد منصور وقدموا مع بعض SNL بالعربي وكان محطة حلوة أي حياته، وديانة شادي المسيحية ومتجوز من كندية مش معروف هويتها وليه منها ابنة وحيدة.
بدايتها ملعلعة
الفنانة كارولين عزمي اسمها الحقيقي كارولين كمال عزمي، واتولدت يوم 14 أبريل سنة 1996 وكانت بدايتها على المسرح واشتغلت أكتر من عرض على خشبة مسرح المعهد العالي للفنون المسرحية بس بدايتها الحقيقية قدام كاميرات التلفزيون كانت سنة 2017 في مسلسل الأب الروحي، للمخرج بيتر ميمي، وقعدت كام شهر مخطوبة لشخص اسمه إبراهيم إسحاق ابن صاحب شركة الريماس للإنتاج الفني، بس مكملوش مع بعض وفسخت الخطوبة، وديانتها هي المسيحية.
