حلت الفنانة ريم أحمد، الساعات الماضية، ضيفة مع الإعلامية مروة صبري في برنامج “قعدة ستات” المذاع عبر قناة ألفا.
وخلال اللقاء، أعربت الفنانة ريم أحمد عن حزنها على الحالة التي وصل إليها الفنان فادي خفاجة.
“قهرني”.. تصريح مفاجئ من ريم أحمد عن فادي خفاجة
وقالت ريم: “زعلانة طبعا على فادي، لما طلع قال في الفيديو إنه محتاج فلوس ومعندوش اختيار، وإنه خريج معهد فنون مسرحية ونقابي، دي حاجة تقهر وإحساس صعب جدا، وزعلت على الدرجة اللي وصل لها”.
وتابعت: “مش من حقي أحكم على حد، وأنا مش عارفة ظروفه، ولو حطيت نفسي في موضع الحكم أبقى ظالمة زي الناس اللي إتكلمت عليه وشوهت سمعته وسمعتنا، إحنا الأربعة من مسلسل ونيس إتشتمنا شتائم غير لائقة من لجان”.
وتابعت: “لو كان في إيدي حاجة كنت كلمته، لكن مفيش في إيدي حاجة أقدر أساعده بيها”.
ووجهت ريم أحمد في النهاية رسالة لفادي خفاجة قالت فيها: “أتمنى يعرف يخرج من الكبوة اللي هو فيها، إحنا كلنا بنتحط في المواقف دي، وهو خانته اللحظة في نظري، لكن ألتمس لأخي مليون عذر”.
اقرأ ايضا:
تصرف مفاجئ من مي عز الدين تجاه المنتج حسام شوقي بعد أيام من وفاته
