تحدثت المذيعة والفنانة ندى رحمي عن تفاصيل انفصالها عاطفيا، وذلك من خلال بث مباشر عبر حسابها الشخصي على موقع تبادل الصور والفيديوهات إنستجرام.
وقالت ندى رحمي: ” الفترة اللي فاتت حصلتلي حاجات كتير أوي، وحصلتلي إصابة قبل ما أسافر الإمارات بشهرين، حد كان بيمرني أون لاين من باب التماحيك وطلب مني أني أجري وركبتي طقت وعملت إشاعة ولقيت أن عندي قطع جزئي في الرباط الهلالي للركبة”.
“كان نكرة وغار في داهية”.. ندى رحمي تثير الجدل عن خطيبها
وتابعت: “طبعًا رقدت ووقفت تمرين لمدة شهر، ووقتها كنت مبسوطة أو مغيبة ولكني كنت بغرس وأنا مش واخدة بالي، ومكنتش حاسة أني بأكل كتير، وقعدت فترة طويلة وبعدين سافرت الإمارات والحمد لله خدت إقامة ذهبية.”
وأضافت ندى رحمي: “في الفترة دي انفصلت عن الشخص اللي كنت مرتبطة بيه، هو كان نكرة مش هعمله سعر واتكلم عليه، غار في داهية وأنا لما بخلص علاقة بزعل على طاقتي ووقتي مش الشخص، كل علاقة بتاخد من قلبك وطاقتك والعلاقة دي طفتني بطريقة مش طبيعية، رجعت اتمرن في الجيم علشان محسش إني لوحدي والزعل ياكل من عمري.”
وأختتمت ندى رحمي: “في الفترة دي كنت لوحدي وبتخطى كل حاجة لوحدي، وصلت لـ 115 كيلو وده مش سهل وده صعب عليا جدًا لأن شكلي اتغير وكل الخسارات كوم وخسارة صحتي كوم.”
اقرأ ايضا:
رقم صادم.. سعر غير متوقع لإطلالة أسما إبراهيم في سباق الخيول
