فنانة متألقة على الشاشة عرفت بأدوارها الإثارة، قيل عليها كلام كتثر منها ترك الفن والسفر لأمريكا من أجل الفلوس بعدما تزوجت رجل أعمال مصري يعمل في النفط.
أخذت أجازة مفتوحة علشان تعمل فلوس، وده اللي اعترفت بيه بالفعل.. سافرت أمريكا علشان تقدر تصرف على بيتها وبناتها، بعدما صرفت كل فلوسها ومبقاش عندها حاجة.
هي الفنانة “علا غانم” اللي خرجت من المستشفى بعد اصابتها على ايد جوزها في الواقعة اللي أثارت الجدل كتير على السوشيال ميديا خلال الايام اللي فاتت.
قابلته بعدما باع كل ممتلكاته في أمريكا
“علا غانم” بعد خروجها من المستشفى كشفت في تصريحات ليها عن بعض الأسرار الخاصة بخلافها مع جوزها رجل الأعمال الأمريكي من أصل مصري “عبد العزيز لبيب”.
“علا” قالت إنها اتجوزت عبد العزيز جواز عادي بعد تجربة جواز فاشلة ليها في الوقت ده سنة 2005، بعدما شافها في أمريكا أثناء تصويرها أحد الأعمال الفنية، بعدها اتفاجئت بيه جاي وراها مصر وطالب يتجوزها.
علا بتقول إن جوزها ده مش ملياردير ولا حاجة.. كان عنده ممتلكات فعلا في أمريكا منها مطعم ونايت كلوب وبنزينة واتجوزته بالفعل وسافرت معاه لأمريكا سنة 2017.
اكتشفت إن الشبكة بتاعتها إزاز
علا غانم كشفت بعض الأسرار منها إنها اتفاجئت بالشبكة اللي لابساها بانها “شبكة ازاز” مش حقيقية وحاولت تعمل مشكلة لكن اتحاملت على نفسها علشان تكمل ومتفشلش للمرة التالتة في جوازها، وكمان كانت محتاجة لراجل في حياتها.
بتقول علا إنها في مرة اتخانقت معاه لانها قفشته بيبص على ستات تانية عكسها خالص، منهم في مرة كان بيبص لواحدة غيرها طويلة وبيضة عكسها خالص لأن علا قصيرة وسمرة.
علا لما سافرت أمريكا وهي على ذمته، بناتها هناك كانوا شغالين شغل كويس في التجارة.. عرضت عليهم يكبروا المشروع فأخذت “هوتيل” كامل لتوفير خدمات للكلاب والقطط.. وبعد فترة بدأ المشروع يكبر أكتر ويعمل فلوس كويسة، في الوقت اللي كان هو بايع فيه كل ممتلكاته.
دفعت لجوزها تمن طلاقها 3 مرات وفي الاخر رفض
من ضمن الأسرار اللي قالتها “علا غانم” انها وقعت ضحية لجوزها السابق اللي عاشت معاه 12 سنة خسرت فيه عمرها وفنها وجمهورها
المرة الاولى في سنة 2018 حصل منها على مبلغ 80 الف دولار علشان تنفصل عنه وبعدها خد الفلوس ونزل مصر وبعدها رفض ينفصل عنها واختفى خالص، ولما راحت بيتها اتفاجئت برفع اسمها من على الفيلا بتاعتها وطلب كمان من الشغالين عدم السماح بدخولها بيتها اللي هو مكتوب باسمها.
وفي المرة التانية بعدها بعشر شهور، راح لها أمريكا في الوقت اللي هي افتتحت فيه فرع تاني للمحل بتاعها هي وبناتها هو عرض عليها يساعدها.
“علا” كانت بتحمي الكلاب في أمريكا.. وده مكانتش بتخجل منه بالعكس كانت مبسوطة علشان عاوزة تعيش حياتها المستقلة وتكبر محلها اللي كان فايف ستارز، لكن للأسف بعدما مسك جوزها المحل حصل على مبالع منها واتسبب في وفاة كلبين وايراده اتراجع خالص.
كمان علا قالت إن جوزها خدعها لما طلب منها توقع على ورقتين لتصليح الكريدت بتاعها لتكتشف بعدها إنها اتنازلت عن بيتها اللي في أمريكا على سبيل الهدية فاضطرت ترفع عليه قضية تزوير في 2017.
وفي المرة التالتة لما عرضت بيتها للبيع واتنازلت عن نص تمنه له مقابل انه يرمي عليها اليمين وتاخد ورقة انفصالها عنه.
