الفنان عادل امام أو كما يقال عليه الزعيم، تاريخ كبير من الكوميديا،سواء في الافلام او المسرحيات او الدراما ، وكل الاخبار عنه دائما بخصوص أعماله ولا يعرف الكثير من الكثير عن حياته الشخصية والأهم أحفاده وهل ظهروا قبل ذلك في اي مسلسل او فيلم، هذا ما سنعرفه من خلال التقرير التالي:
فنانين كتير ولادهم دخلوا عالم الفن يعني حاجة كده زي ابناء العاملين لان ،في منهم اللي موهوب فعلا، و في منهم اللي بيجاملوه علشان خاطر والده او والدته.
و في كمان اللي احفادهم دخلوا التمثيل زي احفاد النجم الكبير محمود ياسين عمر رياض و محمود ياسين جونيور الاتنين في التمثيل و الاتنين لسه في اول مشوارهم .
وفي احفاد فنانين تانيين دخلوا الفن بردو بس تمثيل وبس .. زي احفاد الزعيم عادل امام.. طبعا كلنا عارفين ان عادل امام عنده ٣ ابناء.
رامي امام و ده جرب مرة التمثيل و محبوش فكمل في الاخراج و في محمد امام و هو بيحاول ياخد طريق والده شوية في التمثيل وفي سارة عادل امام و هي مدخلتش المجال الفني خالص .
وماشاء الله الزعيم عنده ٨ أحفاد و الكل طبعا مستغرب ازاي زعيم الكوميديا ومفيش حد من احفاده عنده جينات الفن و الكوميديا ديه .
والحقيقة ان لا في عنده احفاد بيبدأوا في المجال الفني فمثلا رامي امام عنده ٣ ولاد عادل و عز الدين و رقيةو اللي يدأ في المجال فيهم عادل رامي امام او عادل امام جونير .
و ده اخد سكة والده اخراج بردو و بيدرسه لا وليه تجربة اخراجية لفيلم قصير نزله على اليوتيوب .واللي ساعده في الفيلم ده لا مش والده اخوه عز الدين ساعده انه شارك بالتمثيل في الفيلم والفيلم مالوش علاقة بالكوميديا خالص .
اما سارة امام عندها ٣ بنات وهما امينة و كاميليا و هالة مقبل. والحقيقة ان هالة بس اللي مشهورة على السوشيال ميديا .
و ده لانها بتعمل فيديوهات على التيك توك بس اللي عرف الناس بيها الفيديو اللي قلدت فيه جدها عادل امام و هي بتمثل جزء من مسرحية مدرسة المشاغبين .
بس رد فعل الناس جيه عكس المتوقع و اتعرضت لسخرية كبيرة جدا و مضايقات خلتها تطلع في برنامج و تقول ان اي حد ابنه لو اتعرض لكمية السخرية و المضايقات اللي شوفتها كان عمل تصرف تاني.
بس ده مش الجزء الفني بس اللي عندها هي كمان عندها موهبة الرسم ،و بتنزل صور من شغلها،ولسه لحد دلوقتي مش محدده هل هي هتكمل بقى في التمثيل، ولا الرسم و بس.
اما الفنان محمد امام فعنده بنتين خديجة و قسمت و الاتنين سنهم صغيرين، بس ممكن تظهر عليهم بقى الجينات الفنية محدش يعرف بس هيبان .
