“ريم سرقتنى يافندم، سرقت 500 ألف جنية من بيتى وسرقة ورق جوازنا، وعامله نفسها مظلومة.. كنت فاكرها بنت بنوت وطلعت مطلقة” .. هذا جزء من الذى قاله حسن شاكوش أمام النيابة وقت التحقيق معه، في خطته لكي يحبسها 7 سنين.
ياترى إزاي زوجة حسن شاكوش هتتحبس 7 سنين ؟ وهل حسن شاكوش كان صادق فعلا في كلام ولا لأ ؟ .. كل ده واكتر هنعرفه مع بعض في الفيديو ده.
كل يوم في تطور جديد في قضية حسن شاكوش وزوجته ريم طارق، النهاردة الصبح شاكوش كان قدام النيابة بيتم التحقيق معاه في الاتهامات اللى اتهمته فيها زوجته ريم، ريم الأسبوع اللى فات قالت أن شاكوش طردها من البيت وسرق منا وصل أمانه بقيمة 500 ألف جنيه، وكان رد شاكوش على الكلام ده أن زوجته كذابه في كل اللى قالته، هو لا سرق منها وصولات أمانه ولا طردها من البيت دى هى اللى سابت البيت بمزاجها ومشيت.
وطبعا قصة أن شاكوش صادق ولا كاذب دى اللى هتعرفها وتقول عليها النيابة، انما اللى يشغلنا دلوقتى ويشغل الناس هو الجزء اللى قاله محامي حسن شاكوش النهارده في التلفزيون وقدام النيابة وهو أن زوجة شاكوش مزورة في الورق الرسمي، على حسب كلام المحامى محمد أبو العلا فا قسيمة زواج حسن شاكوش كده يعتبر مشكوك فيها لأن الزوجة كاتبه فيها أنها بكر على الرغم من أنها كانت متجوزة قبل شاكوش ومطلقة وأنه كان فاكرها بنت بنوت واتصدم بعد كده.
زوجة حسن شاكوش ريم طارق اللي مرفوع ضدها قضية تزوير فب مستندات رسمية، وعلى حسب علماء القانون فاالتزوير في قسيمة الزواج يعرضها أنها تتحبس 7 سنين، ده لو صدق فعلا شاكوش والمحامى بتاعه في كلامهم أنها زورت فى قسيمة الزواج وهو حقيقي مكنش يعرف وفاكرها بنت بنوت واتفاجئ ليلة الدخلة.
الفكرة دلوقتى هل حسن شاكوش كان عارف أنه زوجته الحالية ريم طارق كانت متجوزه قبل منه ولا لأ ؟ ولو عارف فاهوا كده يعتبر مشارك في تزوير قسيمة الزواج ولا لأ ؟ ولو مش عارف، فا أزاى واحد زيه عامل ناصح يحصل معاه كده ؟
ورد على الأسئلة دى المحامى محمد أبو العلا، محامى حسن شاكوش اللى قال ان موكلة ماكنش عارف أن زوجته ريم طارق سبق لها الزواج، وعشان كده شاكوش قدم ضدها قضية في النيابة أتهمها بالتزوير، وعلى الرغم من ده كله المحامى بيقول أن شاكوش مستعد أنه يقعد مع ريم خلال الفتره اللى جايه عشان يحلوا الموضوع ودى ويوصلوا لحل يرضى الطرفين.
لحد هنا ونكون وصلنا لنهاية أخر تطورات قضية حسن شاكوش وزوجته ريم طارق، والاتهامات اللى بين الأتنين، اللى فيها بتقول ريم أنها اتسرقت من شاكوش وانطردت من بيتها، والاتهام اللى طلع من شاكوش ضدها وأنها مزوره في قسيمة جوازهم، و دلوقتى وبعد ماحكينا ليكم اللى حصل، ايه توقعكم اللى جاى في قضية حسن شاكوش وزوجته ريم ؟ .. هل ممكن يتصالحوا ولا هيقضوها محاكم ؟
