حرص والد ريم طارق، زوجة المطرب الشعبي حسن شاكوش، التعليق على أزمة ابنته مع زوجها، التي أثيرت أمس، وتصدرت تريند مواقع التواصل الاجتماعي.
مقالات أخرى قد تهمك
فيديو لـ حسن شاكوش والراقصة جيسي يشعل مواقع التواصل
مفاجأة عن المهنة الحقيقية لـ ريم طارق زوجة حسن شاكوش
تعليق والد ريم طارق على أزمة ابنته مع زوجها حسن شاكوش
وقال والد ريم طارق في مداخلة هاتفية له ببرنامج صبايا الشمس: بنتي زوجة حسن شاكوش لحد اللحظة دي، وكل اللي بيجيبوا ربنا كويس، فيه إجراءات قانونية وأتمنى أن العدل يطبق على الجميع، والحق إن شاء الله هيجيي.
وتابع: أي حاجة اتكتبت طالما مش على لساني متعتبرهاش حقيقية، وهو من حقه يطلقها، واحنا في بلد شرقي ومش هينفع نتكلم في أي حاجة طالما فيه علاقة قائمة بننا وبينه، وأتمنى الأمور تتحل من غير أي حاجة وإن شاء الله حقنا جاي.
واختتم حديثه: بنتي محصلش تعدي عليها هي معجبهاش الوضع، المحضر معمول بالحقوق الشرعية بتاعت بنتي المؤخر والقايمة وحاجات كتير، وحالة بنتي النفسية ممتازة واحنا مبسوطين جدا جدا وفرحانين.
مفيدة شيحة: موضوع حسن شاكوش وزوجته يعلمنا درس
وعلى صعيد آخر، علقت الإعلامية مفيدة شيحة على أزمة حسن شاكوش وزوجته ريم طارق، وذلك بعد تصدر اسم الثنائي في الساعات الأخيرة الماضية.
وقالت مفيدة شيحة خلال برنامجها الستات الذي يعرض عبر قناة النهار: أنا مش بشمت في حد، ومحتاجين نعرف الغلط فين ونفهم علشان نتعلم.
وتابعت: موضوع أزمة زوجة حسن شاكوش، وحركة سجودها في الفرح شكر لله عز وجل على زواجها من شاكوش، والأزمة الحالية بينهما تعلمنا الدرس.
