تامر حسني قال لجمهوره إنه يينزل ويشاهد معهم فيلمه الجديد تاج في السينما وبعدها يهرب منهم ويتحامى في البودي جاردات الذين كانوا معه وهذا بعدما حدثت خنتقو فحملوه ووضعوه في الأسانسير.
الغريبة بقى إن تعامل تامر حسني مع المعجبات كان مختلف حبتين أصله حساس وميقدرش يرفضلهم طلب.. وعشان كده عملنالكم الفيديو ده واللي هتشوفوا فيه لقطات من الخناقة وكمان اللي حصل مع المعجبات البنات.
طبعًا معروف عن تامر حسني إنه ليه شعبية كبيرة ولما بينزل بفيلم بيعرف يحقق إيرادات كويسة وبيعمل دعاية لنفسه.. (ده طبعًا بغض النظر عن إن هو اللي بيعمل كل حاجة تقريبًا في الفيلم يعني بيألف ويمثل ويعمل الموسيقى ويغني وممكن يعمل الإخراج بنفسه كمان).. وكل فيلم لازم ينزل مع الجمهور يتفرج في السينما على الفيلم بتاعه لكن في فيلم تاج بقى لقيناه نازل بالبودي جاردات وعملوا خناقة وزي ما يكون تامر حسني هيتهرس وسط الناس قاموا شايلينه ورموه في الأسانسير واتخانقوا مع الناس اللي مش عاوزة تسيبه في حاله.. وقبل الخناقة كان تامر بيتصور مع البنات عادي وكمان واحدة قالتله إنها بتحبه ومسابهاش إلا لما باسها واتصور معاها.
هجوم على الفيلم
من وقت ما نزل فيلم تاج في السينما والجمهور مش مبطل هجوم على تامر حسني وكلامهم على إن الفكرة عادية والتنفيذ مش حلو والإيفيهات اللي في الفيلم قديمة ومهروسة ومش بتضحك وأصلًا تامر مينفعش يألف تاني ولازم يبطل نغمة إنه عايش لوحده دي ويقدر يعمل كل حاجة.. الغريبة إن الكلام على الإيرادات كبير وبيتقال إنه وصل 25 مليون جينه لكن الإيرادات بره مصر أعلى بكتير والكلام إنه عدى الـ220 مليون جنيه لكن الهجوم على الفيلم لسه مستمر ورغم كده تامر لسه مكمل دعاية وبيوعد شاب يحققله حلمه وينزل يتفرج معاه على الفيلم ويتصور معاه وهكذا.. لحد ما نزل يتفرج مع الجمهور على الفيلم في السينما ويحصل اللي حصل.
لقطات من الخناقة
طبعًا تامر حسني مش هيفضل سايب نفسه للجمهور يتجمع حواليه وكان طبيعي ياخد معاه بودي جاردات عشان يحموه من الزحمة اللي ممكن تحصل لأنه نجم معروف.. لكن اللي مش طبيعي بقى إنه يقف يتصور مع ناس ولما يقرر يمشي ميفرقش معاه حد ويسيب الجاردات يتخانقوا مع الناس.. وحسب فيديو من جوه السينما حصل خناقة بين بعض الناس اللي بيحبوا تامر وعاوزين يتصوروا معاه والجاردات لكن الموضوع كان ممكن يتطور عشان تامر بدأ يتحشر في النص لحد ما الجاردات شالوه هيلا بيلا كده وراحوا حدفوه في الأسانسير عشان يمشي أو بمعنى أصح يهرب بقى ونخلص من اليوم ده.
المعجبات في قلبه
طبعًا تامر كان قاعد مع الجمهور ومن وراء ستارة زجاجية كده كان بيسلم على جمهوره وبيتصور معاهم سيلفي هما من بره وهو من جوه.. وده طبعًا عشان يتفادى الزحام حواليه.. والبنات كانوا بيصوتوا لما شافوه وهو طبعًا فرحان ومكمل تصوير وطبعًا كان في شباب كمان طلبوا يتصوروا وكان بيتصور عادي لحد ما بصينا لقينا تامر في هدوء كده مع معجبين جوه معاه مش من بره وكان في بنت منهم عاوزة تتصور معاه وقالتله أنا بحبك أوي وتامر ما صدق وراح مديها بوسة وخد معاها صورة.. وكان في كمان لفتة إنسانية كده مع معجب من ذوي الهمم خد معاه صورة بردوا.. في النهاية إحنا عملنا الفيديو ده عشان نقولكم اللي حصل ونعرضلكم لقطات من الخناقة مع الجاردات واللي حصل مع المعجبات البنات.
