من سن الـ 8سنين كل أب وأم يصبح لديه حلم أن يكون ابنه لاعب كرة قدم ويصبح من المشاهير، وخلال الفترة الأخيرة أصبح حلم العديد من الأطفال أن يصبح لاعب كرة شهير مثل محمد صلاح، ولكن هل تعتقد الفنانيين عندما كانوا أطفال كانو يحلمون بكرة القدم أم بالفن؟..سنتعرف سويا على فنانيين بدأوا حياتهم كلاعبينم في كرة القدم من خلال التقرير التالي:
بعد ما كان بيسمع يا فلان يا مدرسة لعب وفن وهندسة من الجمهور فى المدرجات بقى بيسمعها من الجمهور فى السينمات، المهم بيسمعها فين بقى من مين ؟ مش ده موضوعنا .
أغلبهم أو كلهم بالنسبة للجمهور وخاصة البنات كراش لهم عندك مثلا نور الشريف ،مفيش حد محبش نور الشريف ببساطته وثقافته ومظهره تحسوه فعلا فنان بدرجة لاعب ، كان عنده طول عمره شغف بكرة القدم وإنضم لنادى الزمالك،لكنه توقف عن اللعب علشان الفن وده لإنه حصل على المركز الأول فى دفعته فى المعهد العالى للفنون المسرحية ،وقال فى تسجيل صوتى له ” لوفضلت لاعب فى الزمالك عمرى كان هيبقى قصير ”
وظهر حب نور الشريف لكرة القدم بوضوح لما قام بدور شحاتة أبو كف اللاعب فى نادى الزمالك فى فيلم غريب فى بيتى مع الفنانة سعاد حسنى وقد إيه كان قايم بالدور على أكمل وجه وبكل حب علشان كدة وصل للجمهور .
ولما نتكلم عن فتيان أحلام البنات لازم نجيب سيرة الفنان ظافر العابدين هتقولوا طيب والله كان باين عليه لاعب بهيئته دى تعرفوا بقى إنه كان نجم الترجى التونسي؟أيوة هو قال كده فى حواره مع الفنان أمير كرارة فى برنامج سهرانين ،ولكن إتعرض لإصابة خطيرة خلته يسيب ملاعب كرة القدم ويتجه لملاعب التمثيل والأزياء ، وقال بردوا زى نور الشريف إنه لو كان كمل فى كرة القدم مكنش حقق كل النحاجات دى اللى حققها فى الفن
وبما إننا جبنا سيرة أميرة كرارة مش معقول ننسى أخو مراته الفنان أحمد صلاح حسنى بدأ أحمد صلاح حسنى فى نادى هيليوبلس وبعدين النادى الأهلى وبعدين لعب فى منتخب الشباب والمنتخب الأولميبى، بعد كده ساب الملاعب وإتجه للتمثيل .
فاكرين فيلم العالمى؟ اللى بطله الفنان يوسف الشريف؟ يوسف كان لاعب كرة قدم قبل ما يبقى يوسف الفنان ،وحقيقى بين كل مهاراته الكروية من خلال الفيلم ده ، مسابش حوار له إلا وكان بيتكلم عن بداياته الكروية وقال إنه بدأ حياته كلاعب كرة قدم فى صفوف الناشئين فى نادى الجلاء وإتنقل بعده للنادى الأهلى، ولكن بسبب الإصابة بردوا ساب الكرة وأتجه للإعلانات كبداية لمشواره الفنى.
مراد فى ونحب تانى ليه .. الفنان كريم فهمى هو كمان بدأ حياته كلاعب كرة قدم فى نادى الزمالك وعنده 9 سنين ، وسنتين فى النادى الأهلى وكمل لمرحلة الناشئين ولكن أتجه للتمثيل بعد كده ، ولان هو والفنان أحمد فهمى أخوات تقريبا مسيرتهم الكروية كانت واحدة لعب بردوا فى النادى الأهلى ،وهو عنده 8 سنين وبعدين اتنقل لنادى الزمالك ومن بعده نادى الصيد ،وهو عنده 19 سنة ساب كرة القدم لما كان فى نادى الشرقية للدخان .
كتير جدا من الفنانين اللى لهم شهرة كبيرة دلوقتى كانت بدايتهم نجوم كرة قدم هل ممكن نشوف حد من لاعيبة كرة القدم دلوقتى على الساحة الكروية متجهه للفن ؟زى أبو جبل مثلا لما صرح مع الإعلامية ياسمين عز وقال إنه نفسه يخوض التجربة دى.
