هو أول واحد أشتهر من صوته ، وذلك لأنه بدأ مذيع، و كان جمهوره كله من الأطفال، و مع أول طله له على السينما،ركب السريع وأصبح كلمة السر في نجاح أي فيلم ، وموجود كل سنة في السينما، ايرادات عالية و جمهور بالملايين ينتظروه لكن فجأة اختفى ولم يقدم أفلام كل سنة و الكرڤ بدأ ينزل،و الايرادات ليست مثل الأول، إنه أحمد حلمي، تابعونا لنعرف لماذا لم يبقى أحمد حلوي نمبر وان الكوميديا؟
أحمد حلمي واحد من أهم نجوم الكوميديا في الوقت الحالي .. و قبل كده كمان .. واخد الكوميديا في سكة تانية لواحده .. لا بيعمل ابتزال .. و لا بيحاول يقدمها باستظراف مبالغ فيه .. وأي فيلم بيعمله بيكون مناسب لكل واحد و لكل سن .. بس حلمي مبدأهاش كده .
من بعد نجاحه في الثانوية العامة بعد تالت مرة من السقوط و جاب ٥٠٪، و دخل المعهد العالي للفنون المسرحية قسم ديكور، طب ازاي بقى ممثل، و نجم ناجح هقولكم.
هو بعد ما اتخرج ظهر في دور صغير كده في مسلسل مع الفنان كرم مطاوع .. بس محدش حس بيه في الدور ده .. ف اشتغل مساعد ديكور و في نفس الوقت جاله فكرة انه يقدم برنامج مع الأطفال .. بس هو مش هيظهر .. هيسأل بس و الأطفال يجاوبوا.
البرنامج ده نجح جدًا، و عمل ليه جمهور من الأطفال، بس حبه للفن خلاه يرجع تاني للتمثيل، و ظهر مع علاء ولي الدين في فيلم عبود على الحدود سنة ١٩٩٩، و قدم كذا فيلم بعدها، بس اللي علق مع الناس و اللي لحد دلوقتي بيتعمل منه كوميكس فيلم ” الناظر” و دور عاطف.
و فضل يطلع بدور البطل التاني لحد سنة ٢٠٠٣ أما قرر انه ياخد الريسك و يعمل أول فيلم ليه من بطولته ” ميدو مشاكل” و اللي حقق نجاح كبير وقت عرضه، و من بعد الفيلم ده ، حلمي حجز مكانه في السينما كل سنة ممكن بفيلم و فيلمين كمان، و كان بيحقق ايرادات كبيرة.
منقدرش نقول فيلم واحد هو نقطة تحول أحمد حلمي في حياته، أصل هنقول عن ” كده رضا ولا عسل اسود ولا ألف مبروك ” و غيرهم كتير، و كلهم ليهم العلامة بتاعتهم.
حلمي في كل فيلم كان بيقدمه كنا بنحس بحماسه في تقديم فكرة الفيلم صح. الضحكة معمولة صح في الموقف ده، الايفيه مرمي في منطقته، و ده كان سر نجاح حلمي انه مهتم بتفاصيل شغله، محدش كان بينافسه على لقب النجم الكوميدي، ولا حتى هنيدي اللي هو بيضحك من غير مجهود، بس دلوقتي حلمي الحال اتغير عن الأول ، مبقاش بيقدم أفلام كل سنة، و في كذا فيلم في السنين الأخيرة معلقوش مع الناس. و ايراداتهم مش نفس مستوى أفلام حلمي.
ناس كتير علقوا على الحوار ده، شافوا ان اهتمامه بالسوشيال ميديا و التيك توك، أثر على تواجده، و في تعليقات تانية بتقول انه معرفش يجدد من نفسه مع ظهور أجيال جديدة، فعلشان كده مبقاش في اقبال كبير ليه، و بقت حسابات النجم الكوميدي مختلفة.
وزي ما بنحب حلمي كفنان، بردو بنحب نشوفه هو و مراته منى زكي، ويمكن هما من القليلين أوي اللي عارفين يحافظوا على قصة حبهم و جوازهم، رغم انهم هما الاتنين بيشتغلوا في التمثيل، عندهم ٣ ولاد لي لي و سليم و يونس.
اتعرضوا لأزمات كتير، و يمكن أقربها أزمة فيلم أصحاب ولا أعز، اما الناس هاجمت منى زكي، وبردو أخر هجوم قبل عرض مسلسل تحت الوصاية، و في كل المواقف حلمي بيعرف يدعمها و يرد على اللي بيهاجموها، سواء بطريقة مباشرة أو غير مباشرة.
