الفنانة شريهان وصاحبة السعادة إسعاد يونس كل يوم بيأكدوا كلام ياسمين عز، إنه بالحب كل حاجة ممكنة، وعندما تتنازل المرأة عن تفكيرها في نفسها لكي يكون زوجها سعيد، الكل سيكون سعيد والسلام سينتشر في العالم، لكن كيف يمكن أن تتحقق تلك المعادلة الصعبة؟
الفنانة شريهان بتربطها علاقة خاصة جدا بضرتها إسعاد يونس.. أيوه بالظبط إسعاد يونس وشريهان متجوزين نفس الشخص.. وهو رجل الأعمال علاء الخواجة.
الفنانة إسعاد يونس كانت بتمر بأزمة صحية خلال الفترة اللي فاتت وعملت عملية وكانت تجربة مؤلمة.. لكن أول واحدة كانت واقفة جنبها كانت مرات جوزها “شريهان” اللي مش بتتأخر عن حد أبدا.
كتبت شريهان رسالة مؤثرة جدا مفيهاش أي ضغينة ولا نفسنة على تويتر.. وقالت لها:” حمدلله على سلامتك يا أجمل وأغلى الناس في قلبي.. ربي يحفظك ويحميكي ويحرسك بعينه التي لا تغفل أبداً ولا تنام”.
ازاي يا جماعة واحدة تبقى شايفة ضرتها كده؟.. ايه الراجل المعجزة اللي قدر يجمع بين قضبين ويخليهم يحبوا بعض.. ويحبوه بالشكل ده.
القصة بدأت لما شريهان كانت بتمر بأزمة نفسية بعد وفاة شقيقها الفنان عمر خورشيد.. ولجأت لصديقتها إسعاد يونس اللي فتحت لها بيتها ومن كتر التواجد وسط الأسرة.. وقع المحظور.. وحب علاء الخواجة شريهان زي ما كل الناس بتحبها.. واتفقوا على الجواز السري.
شريهان وعلاء الخواجة كانوا حريصين على مشاعر إسعاد يونس حبيبة عمره وأم أولاده بس في لحظة عاطفية كده حصل الزواج بينهم ولما خلفت بنتها لؤلؤة جت ساعة الحقيقة وكان لازم الموضوع يتعرف عشان مستقبل البنت الصغيرة.
عرفت إسعاد يونس الخبر من الجرائد زي كل الناس وجن جنونها في الأول وقالت على شريهان خطافة الرجالة وأنكرت إن ممكن يبقى في ست تانية في حياة علاء الخواجة غيرها
فضلت الخناقة دي شغالة واتهامات رايحة واتهامات جاية.. وناس تدخل في الموضوع ويحاولوا يحلوه.. لغاية ما القدر قال كلمته.. وحصل اللي مكنش حد يتخيله.
بعد إصابة شريهان بمرض السرطان.. إسعاد يونس اتغيرت تماما.. وبقت متعاطفة معاها.. ووقفت جنبها في أكبر محنة ممكن يتعرض لها إنسان.. بقت ما شافت الوضع الحقيقي وهي إنها ست وحيدة وضعيفة وكانت محتاجة راجل جدع زي علاء الخواجة جنبها.
وقالت إسعاد يونس في تصريحات بعد كده.. إنها قررت يعيشوا كلهم مع بعض كأسرة متحابة،بعد ما عرفت معدن شريهان الحقيقية وإنها إنسانة في قمة الطيبة وساذجة.
وفي حتة رومانسية كده قالت إسعاد يونس إنه من الصعب تلاقي راجل بنفس شهامة ورجولة ورقة مشاعر علاء الخواجة.. اللي دايما بتشوفه من أنبل الرجال
ومن وقتها وهما عايشين سوا كأي هابي فاميلي.. مجمعين ولادهم ومحافظين على شكلهم الاجتماعي.. وكانت شريهان واقفة في فرح ابن إسعاد يونس وبترقص وبتحتفل كإنها أمه الحقيقية.
