كل شخص يريد أن يلفت الأنظار إليه هذه الأيام أصبح يظهر في فيديو يرقص على السوشيال ميديا أو يخرج بتصريحات تخرج عن المألوف.
بس الغريبة بقى إن التصريحات اللي قالتها الفنانة اللبنانية باميلا الكيك جابت بيها جول يعني بالبلدي كده عارفة من أين تؤكل الكتف.. وكلامها عن التحول من راجل لست وإن جواها الاتنين ومستعدة تتجوز واحدة زيها خلاها راكبة التريند والكل مصدوم من تصريحاتها.
يا ترى إيه اللي قالته بالتفصيل وإزاي ردت على إنها سيكو سيكو وحكايتها إيه مع باباها اللي شافها في مشهد جرئ على الشاشة وهي قاعدة بتتفرج جنبه.. خليكوا معايا في الفيديو ده هقولكم تفاصيل اللي حصل.
عندها 35 سنة وكلها جمال ودلال تشوفها على الشاشة تقول دي عارفة تقول إيه ومتقولش إيه وكان واضح إنها صريحة جداً ومتصالحة مع نفسها ومش فارق معاها مين ينتقد مين يقول عنها كلام حلو.. وفي الأوقات هي مش فارق معاها غير إنها قالت اللي عاوزة تقوله.
تصريحات باميلا الكيك اللي قالتها من كام ساعة في برنامج تلفزيوني عملت ضجة كبيرة وناس انتقدتها بسبب الجرأة الزيادة في التصريحات اللي قالتها بعفوية.. وشايفة إن الحلقة حققت ردود فعل كويسة ونشرت صورة على حسابها في إنستجرام عشان تقول إنها فرحانة بالحالة اللي حاصلة.. وقالت إن ربنا كبير والحقيقة مش بتموت خالص وإن مهما يحاولوا يطفوا الشمس مش هتنطفي.
مسألة شخصية
باميلا الكيك من مواليد منطقة دير القمر جنوب شرق بيروت وباباها اسمه هاني ومامتها اسمها تغريد وليها أخت اسمها أماندا.. حياة باميلا اترعرعت في الأشرفية في لبنان وبدأت مسيرتها وهي صغيرة وفازت بجايزة الموريكس دور أكتر من مرة وأبرزها عن أدوارها في الحب الممنوع سنة 2010 وديو الغرام سنة 2012 وسمرا سنة 2016 وطبعاً هي بتمثل لحد دلوقتي وليها مشاركات الفترة الأخيرة في فيلم فارس ومسلسل كريستال مع محمود نصر.
الفنانة اللبنانية بتقول إن حياتها الخاصة دي بتاعتها ومحدش ليه فيه وده بسبب الكلام عن علاقتها العاطفية مع جوليان فرحات وقالت سواء في أو لأ دي حاجة تخصها وطبعاً جوليان كان شاركها في مسلسل الحب الحقيقي سنة 2017 وحققت نجاح كبير جداً وقالت إنهم قريبين جداً من بعض ويمكن بعدين تقول كانوا مرتبطين بعلاقة عاطفية ولا لأ لكن هي نفسها جوليان يكون أفضل لأنه ممثل كبير ومظلوم كتير.
المجتمع يهمها
رغم جرأة باميلا الكيك وظهورها في مشاهد بالشكل ده لسه حاطة المجتمع قدامها وهل هيقبل إنه يشوفها في مشهد من غير هدوم خالص دي ولا لأ؟.. يعني هي شايفة إن الست عندها 4 أعضاء تناسلية واللي مختلف بس الأحجام والألوان لكن في العموم هي مش رافضة الفكرة لكن المجتمع مش هيتقبلها.. وبتقول أنا برفض اللي بيجيلي من النوعية دي عشان المجتمع مش هيقبل.
باباها اتحرج
طبعاً باميلا الكيك، قدمت مشاهد جريئة قبل كده لكن لما أتوجه ليها سؤال تخيلي لو كان باباها قاعد جنبها بيتفرج وشاف مشهد جرئ هيكون إيه رد فعله وهيحط اختيارات لكن هي فاجئت الكل وقالت طيب ليه التخيل يا جماعة ما ده حصل في الحقيقة إحنا ليه هنتخيل.
وقالت إن مهما كبرنا في السن هنفضل أطفال قدام أهالينا وخصوصاً الأب والأم وكمان في خجل ووقت ما اتعرض مشهدها الجريء وشها قلب ألوان يعني هي أصلا بيضا بقى لونها أحمر وباباها كان بيحاول يغير الموضوع خالص وساب المشهد وقعد يقول هناكل ناكل فتوش ولا تبولة؟.. لأنه طبعاً اتحرج من موقف زي ده ولما شاف بنته وشها بيقلب ألوان اضطر يعالج الموضوع.
التصريح الأجرأ
الطبيعة البشرية إن الراجل راجل والست ست لكن الغريبة بقى إن باميلا الكيك شايفة نفسها فيها 50% راجل و50% ست طب إزاي يا جدع.. المهم الكلام ده مش فارق معاها لكن اللي فارق معاها إن الناس بيقولوا عليها إنها سيكو سيكو والكلام ده ومن وهي لسه في العشرينات.
المفروض هي كبرت ولسه شايفة إنها مش قادرة تحدد وبتقول أنا إنسان والإنسان راجل وست وأنا كده وكده واتقال عليا إني سيكو سيكو بسبب أدوار قدمتها على الشاشة بس دي كلها اتهامات كبيرة وحياتي تخصني ومش من حق حد يتدخل فيها، وأنا مش هرد على حد أنا شبه الحب.. والحب طلع بشكل مرأة أو رجل بس لأ انت مش هحدد حسب المجتمع يعني طز في اللي بيتقال.
الصادم بقى إن هي بتقول انت مش لاقي الراجل في حياتي لحد دلوقتي ولو عشقت واحدة ست ممكن أكون أول واحدة تتجوز واحدة ست معنديش مانع خالص ده الحب والحرية في الحياة مش بيطلعوا مننا إلا لما نسمع جملة فكر بره الصندوق بس ده أصلا مفيش صندوق والأساس بالنسبة ليها إن مفيش علبة وإحنا جواها.
ياترى بعد التصريحات اللي تصدم دي شايفين باميلا الكيك سيكو سيكو فعلاً ولا لأ وممكن تعترف بكده في الفترة الجاية ولا هتفضل ساكتة..؟
