“مش عايزة أبقي أم”.. تصريحات صادمة للفنانة مني هلا

كشفت الفنانة منى هلا أنه لا تريد أن تنجب أطفال كما تحدثت عن التحرش الذي يتعرض لها السيدات في مصر، وعن التفرقة العنرية بين الرجل والمرآة.

وقالت هلا خلال برنامج حكايتي الذي يعرض عبر منصة Girls’ Space: في ستات كتير جدًا مش بيحبوا يخلفوا أو يتجوزوا والناس شايفة أن الست لازم تتجوز وتخلف عشان يبقى عندها قيمة بس أنا شايفة أن الست بتستمد قيمتها من شغلها وشخصيته ومش لازم تبقي تابعة لزوج.

منى هلا: مش عايزة ابقى أم
وتابعت: مش بحب الفرضيه بتاعت أن كل الستات لازم تخلف ولازم تحب الأطفال، وانا قررت من فترة إني مش عايزة أبقى أم دي مش شخصيتي خالص.

وأضافت: أنا لو صحيت الصبح وعايزة اسافر هعمل كده ولو في طفل مش هيبقى متاح بالنسبالي أعمل كده، وحريتي بالنسبالي أهم من تكوين أسرة والاولويات عند كل انسان بتبقى مختلفة وللاسف في ناس كتير مش بيبقى عندهم الحرية دي وبيهربوا من بيت أهلهم بالجواز .