![](https://www.l2tat.com/wp-content/uploads/2024/05/503125_0.jpg)
حلت الفنانة فريدة سيف النصرـ الساعات الماضية، ضيفة مع الإعلامي عمرو الليثي في برنامج واحد من الناس، والذي كشفت فيه عن أسرار حياتها الخاصة.
وخلال اللقاء فجرت فريدة سيف النصر، مفاجأة وهي أن الفنانة سوسن بدر تكون أختها في الرضاعة.
مفاجأة بشأن صلة القرابة بين سوسن بدر وفريدة سيف النصر
وقالت فريدة: “سوسن بدر حبيبة قلبي لأنها أختي في الرضاعة، ولما أنا تراجعت عن الحجاب رجعت، ودي كانت فترة تحريم جامد للفن واتجاهات غريبة”.
وتابعت: “بعدها تفاجأ إن من يحرم الفن أصبح منتج أعمال فنية، غير بنات عادية كتير إتحجبت في نفس الوقت، لإني كنت السندريلا بالنسبة لهم”.
وحول سبب تخليها عن الحجاب، قالت فريدة سيف النصر إنها شعرت باختناق من هذا الوضع، خاصة وأنها تحب التصرف بطبيعتها دون قيود، وبعدها تعرضت لهجوم كبير بسبب خلع الحجاب.
وخلال اللقاء قالت فريدة: “اتجوزت مرة واحدة من أسامة الشافعي.. لكن الجوازة نفسها تلاتة لأننا كنا بنطلق ونرجع ونطلق ونرجع لأننا كنا مجانين خالص وبنحب بعض”.
وتابعت: “تالت مرة ما قبلتش يكون عندي محلل ولا هو قبل وكان لأسباب جامدة بسبب واحدة دخلت في النص وكنت بسامحه كتير لكن في الموضوع ده مكانش ينفع. ”
وأكملت: “كنت بعمل مسرحية الغبي وأنا على مسرح الجلاء، وجت شخصية مهمة مش مصرية عاكست وقلت أدبها، ضربته بالشبشب جابوا ليا القسم ظابط المباحث وكان أسامة الشافعي اللي اتجوزته بعد الموقف ده”.
وتابعت: “قال عندها حق أنها قلت ادبها عليه والتاني بتاع سفارة وشخصية مهمة، وأسامة قالهم دي قريبة مين، قالوا لي بنت عم سيف بيه النصر حمدي المفتش بتاعك ومن هنا حصل تعارف وطلبني للجواز لكني كنت رافضة”.
اقرأ ايضا: