نشرت الفنانة المعتزلة ميار الببلاوي تعليقا جديدا عبر صفحتها على موقع التواصل الاجتماعي فيسبوك تكشف فيه تفاصيل جديدة عن أزمتها مع الفنانة وفاء مكى.
وقالت ميار الببلاوى فى تعليقها :”حسبي الله ونعم الوكيل” وانهالت عليها عديد من التعليقات حيث قال لها : “انتي اللي فتحتي الباب ده علي نفسك و خليتي واحده مذنبه عايشه دور الضحيه”.
كما وجه متابع اخر لميار الببلاوى اللوم قائلا : “انتي اللي جبتيه لنفسك حوار بقاله 23سنه واتقفل وخلاص طالعه تتكلمي ليه في تاني اهو كله ركب الترند علي حس الحلقه بتاعتك والله اعلم الحقيقه فين”.
لترد ميار الببلاوى قائلة : “ندمانه ندم عمرى بس فضلوا يضغطوا عليا هى وشوية المنتفعين وقلتلها ان ده مجرد استنتاج وملوش اى اصل قانونى قالتلى قولى بس قدام ابنى وهيبقى كتر خيرك”.
وهاجم متابع اخر ميار الببلاوى قائلا : “طلعت اعترفت انها كانت كاتمه شهادة حق كانت هتبرأ صحبتها من السجن ولما الناس هاجموها غيرت كلامها”.
وترد ميار الببلاوى عليه قائلة : “يا ه ايه المفهوميه دى اولا لا اعترفت ولا تبراء انا قلت من اول يوم كلامى لا يعد شهاده وسالت من سنين قالولى كلامك لا هيقدم ولا ياخر وفنانين كبار قالوا شهادتهم اتهموا بالشهاده الزور وخدوا سنه مع ايقاف التنفيذ وانا مرجعتش عن شهادتى الى هى استتناج فقط مش شهاده انا غيرت وجه نظرى ان فى شك انها بريئة”.
وأضافت ميار الببلاوى : “وانا تعبت المفروض لما واحده يبقى عندها ستين سنه تتقى الله وتفكر فى اخرتها مش تجرى ورا شهره وتكذب وتدوس على حد ساعدها لوجه الله”.
وأشارت ميار : “سوال لو رايحه مشوار وماشيه فى طريق وحاسه انك ماشيه صح وفجاءه شوفتى يافطه انك ماشيه غلط هتكملى ولا تقفى وتلفى وترجعى تاخدى اتجاه صح انا ميهمنيش الناس يهمنى رب الناس اللى هيدافع عنى وعالم بنيتى وهو احكم الحاكمين منهم لله بدعى عليهم فى كل سجده”.
وأوضحت ميار الببلاوى : “صعبان عليا اسمى وسمعتى ودعا الناس عليا من غير ميفهموا ودموع التماسيح وعصر العينين الى دخل عليهم وصدمتى فى الاصدقاء الى لا يوتمنوا على اى كلمه واتعلمت انى مفضفضش مع حد”.
