حب الشهرة والتريند جنن الناس، وكل يوم أصبح عندنا تريند جديد بوجوه جديدة ، الذي يقول انا شبه الفنان هذا والذي يقول انا بعرف أمثل ويطلع لاتعراض مواهبه.. أخرهم الفيديو اللذي انتشر لشخص يقال إنه شبه الفنان محمد رمضان جداً والناس مستغربين من تقارب الشكل بينهم وهذا ما جعل عند المتابعين تساؤلات كتير .
ياترى فعلاً هو شبه محمد رمضان ولا ده ممكن يكون فلتر؟ وهل فعلاً في فلتر بيقلد الشكل للدرجة دي؟ ولو فعلاً طلع فلتر ممكن الفلتر يسبب لينا خطر على صورنا اللي على منصات السوشيال؟.. شوفوا الفيديو للأخر واحنا هنعرفكم إجابات الأسئلة دي.
مواقع التواصل الأجتماعي ظهرت ناس كتير عندها حب الشهرة والظهور قدام الكاميرات ، لدرجة أن في ناس بقت تطلع تعمل فيديوهات عشان تثبت لينا انها شبه الممثل الفلاني ولا المغني العلاني.
وخلال الساعات اللي فاتت طلع شاب اسمه محمد ربيع من محافظة الفيوم، ليه صور وفيديوهات وحققت مشاهدات كبيرة جداً على منصة ” التيك توك ” ، ويظهر فيها أنه نسخة طبق الأصل من الفنان محمد رمضان، في الوقت اللي بيحتفل فيه الفنان محمد رمضان بنجاحه في مسلسل “جعفر العمدة” وفيلم “هارلي.
وظهور الشاب ده تسبب في حيرة ودهشة للناس في “تيك توك”، ووصلت دهشتهم من شدة التشابه بينهم إلى أنهم علقوا على ظهور شبيه الفنان محمد رمضان بالهجوم اعتقاداً منهم أنه مستخدم فلتر أو نجح في تقريب الملامح بينه وبين الفنان محمد رمضان باستخدام الذكاء الأصطناعي.
والفيديو حقق مشاهدة عاليه جداً من متابعين منصة تيك توك ووصلت التعليقات عليه على أكتر من 100 ألف تعليق وأغلب التعليقات “ده شبه محمد رمضان أكتر من محمد رمضان نفسه”، “ده أكيد فلتر”، ” باين فلتر.. بيتحرك وفي تطبيق ذكاء اصطناعي بيعمل نفس الشي”. ، والمتابعين اتقسموا نصين ، نص بيقول انه فلتر ونص تاني متاكد ان يخلق من الشبه 40 .
طيب الناس اللي بتقول فيلتر عرفت ازاي؟ أنا هقولكم: ظهر محمد ربيع اللي بيقول انه شبه الفنان محمد رمضان في فيديو وهو معاه شخص صغير ولما الشخص التاني دخل معاه في الفيديو ابتدي يظهر الفلتر على الشخص الصغير وبشكل عفوي للحظات ، عشان كده المتابعين قالوا الفلتر ظهر على شخص تاني اول مادخل في الفيديو.
وبرغم الجدل ده كله مخرجش الفنان محمد رمضان زي عادته للتعليق على الشبه بينه وبين محمد ربيع زي ما تعودنا منه على التفاعل الكبير مع منصات التواصل الاجتماعي.
وطبعاً كان لازم نتأكد من صحة الفيديو هل هو مفبرك ولا حقيقي ، وطلع أحمد السخاوي “الخبير التكنولوجي” وقال إنهالشاب مستخدم تقنيات الذكاء الاصطناعي عشان يعمل الفيديو ده.
أما بالنسبة للدكتور محمد الحارثي استشاري تكنولوجيا المعلومات والإعلام الرقمي، ووضح جميع الأدلة اللي بتكشف تزييف الفيديو، وقال إنّ المقطع اعتمد على تقنية التزييف العميق ” Deep fake “، واكد أنّ في أدوات بتكشف فبركة الصور أو الفيديو أو المحتوى، وبنستخدمها عشان تكشف لينا الفيديوهات المفبركة أو المحتوي المزيف .
وقال كمان إن التزييف العميق هي تقنية بتستخدم على صنع فيديوهات مزيفة، من خلال الكمبيوتر باستخدام الذكاء الاصطناعي، وهي عبارة عن دمج عدد من الصور ومقاطع الفيديو، بس عندنا تطبيقات بتكشف المحتويات المزيفة.
شاركونا رأيكم وقولولنا هل الذكاء الاصطناعي ممكن يسبب مشاكل في حياتنا؟ ولو انتوا اتعرضت لتزييف صورة او فيديو ليكم هتتصرفوا ازاى ؟
