المسلسل سيبدأ الآن، حلقة جديدة من مسلسل من الجانى ؟أحداث جديدة وحبكات درامية لم تحدث وطبعا كلها تمت للواقع بصلة. تتخيلوا من هي صديقة شيرين عبد الوهاب التي تحدث عنها حسام حبيب ؟ ياسمين رضا ليس الإسم فقط ولكن من هي ياسمين رضا ؟ ومااذ تعمل، وهي هي السببب وراء إدمان شيرين للمخدرات؟ هذا ما نتعرف عليه من خلال التالي:
كلنا فى حياتنا مرينا بالعلاقات السامة دى مع اللى كنا بنحسبهم أصدقاء لينا؟ ومثلوا علينا الحب والخوف على مصلحتنا وهم فى الأصل بيجرونا للقاع، ومش بيحبوا لنا الخير ولا عايزين يشوفونا أحسن الناس زى ما كانوا دايما مشغلين إسطوانتهم المشروخة دى ، المذيعة تشاور على الجمهور وتقول :إنت بتسمعنى دلوقتى وبتهز راسك وبتقول، أيوة على رأيك.
المهم إن شيرين عبد الوهاب بعد أزمتها دى خير مثال واضح على الموضوع ده شافت اللى محدش شافه من حبيب لصديق لأخ لأم محدش سابها فى حالها ، وده حقيقى درس لنا كلنا مش لشيرين بس ، مش بيقولوا دايما حرص ولا تخون؟ لا بعد أزمة شيرين حرص وخون ، مفيش حاجة بقت مضمونة .
حسام حبيب صرح فى مداخلته الهاتفية مع عمرو أديب المذيعة هنا تعمل علامات تنصيص بإيديها وتقول ” الراعى الرسمى للمسلسل” إن شيرين ملهاش أصدقاء غير حد واحد بس وهى ياسمين رضا لا وكمان أكد إنها صديقتها الأنتيم ،رغم إنه مكنش موافق على العلاقة دى ولكن لما لاقى مواقف كتير حلوة بينهم وقد إيه هى خايفة عليها إطمن لها ، ده قال هى الوحيدة اللى عيطت من قلبها على شيرين.
فاكرين سؤال الإعلامى محمد الباز اللى محدش عرف إجابته ؟ مين اللى جر مين لتعاطى الممنوعات شيرين ولا حسام؟ المذيعة أيد يمين وأيد شمال وهى بتقول شيرين ولا حسام.
الحقيقة الواضح كده إن شيرين وحسام هيكونوا ضحايا قولى ليه؟ لإن ياسمين رضا المذيعة تعمل نفس علامات التنصيص”أنتيمة شيرين”طلعت إنها تاجرة ممنوعات قد الدنيا ، أيوة زى ما سمعت كده .
إحنا بعد أزمة شيرين الأخيرة بقى أى إسم يظهر بنخلينا وراه وبنجيب قراره ،تعالو أحكيلوا حكاية ياسمين .ياسمين رضا تبقى أخت الفنانة زينة ،وزينة هى اللى رشحت المحامى ياسر قنطوش لشيرين، ولكن قبل موضوع المحامى ده كان فى علاقة قوية جدا بشيرين والأختين الحلوين زينة وياسمين .
حسام حبيب قال إن سبب إنفصاله عن شيرين الممنوعات دى وإنه خيرها بينه وبين الممنوعات فشيرين اختارت الكيف ،حسام طلع مش بيكيفها.
ياسمين إسمها إتردت فى فترة مع قضية اختها مع أحمد عز ، وإتهامها بتعاطى وتجارة المواد الممنوعة ،وفعلا تم القبض عليها متلبسة فى المعادى ،المذيعة بتريقة تقول : ولكنها قالت اللى كان معاها شوية هدايا للحبايب لحوالى 150 فنان وشخصية مشهورة، ومش بتاجر ولا حاجة ، ده يأكد كلام الباز أنى كتير من الفنانين بيتعاطوا ممنوعات.
المهم إنها طلعت زى الشعرة من العجينة وخدت براءة سواء من الحيازة أو الإتجار .ياسمين إتهمت مع أختها زينة فى دبى إنهم إعتدوا على أسرة أمريكية، لكن زينة نفت وقتها وقالت إنها عملت محضر ضد الأسرة ، والموضوع إنتهى إن الأسرة دفعت لزينة غرامة 10 ألاف درهم .
بعدها بفترة فى 2019 سمعنا خناقة الشباشب الشهيرة بين ياسمن وأحمد عز وهو بيعمل حوار صحفى وقالتله أزيك يا عز عامل إيه هووب على وشه ،واللى بعدها عمل محضر ضدها بالتعدى عليه.
يلا أربطوا الخيوط والأحداث والتفاصيل كلها ببعض وشاركونا رأيكم ، وإنتظروا فى حلقة جديدة من مسلسل من الجانى ؟ .
