إلتزمت سارة الطباخ الصمت أمام هجوم تامر عاشور عليها، وقررت عدم الرد عليه وذلك بعدما هاجم الفنان تامر عاشور، المنتجة سارة الطباخ خلال استضافته في إحدى البرامج واصفا إياها بأنها منتجة «فنكوش».
حيث قال خلال لقائه في برنامج حبر سري الذي تقدمه الإعلامية أسما إبراهيم على قناة «القاهرة والناس»: «لا أرحب بالعمل مع سارة الطباخ وما قلتش أهلًا بالشغل معاها، كنا مضينا عقد على أساس خطة معينة هنمشي بيها لما جات لها فكرة أنها تعمل ألبوم معايا وجبنا محامي وطلعت الفكرة بتاعتي بالنسبة لها واهية يعني».
وأضاف تامر عاشور: «سارة الطباخ منتجة الفنكوش وفوق أي فنكوش ممكن أي حد يتخيله، وما يهمنيش تزعل مني، إيه سارة تزعل مني يعني؟ مش هتخرجني من القناة يعني؟ كان غيرها أشطر وأكبر منها بكتير أوي أشطر مش علشان أنا بورم لأ خالص ولكن أنا بحب شغلي».
وتابع: «أنا مضيت معاها عقد ومفيش حاجة من العقد اتنفذت فأنا بدأت أشوف شغلي وأول ما بدأت اشوف شغلي هي بدأت تقاضيني بإنها ماضية معايا وأنتجت لي واتدخلت النقابة وكلامي واضح هي ما التزمتش بالعقد ومن رحمة ربنا عليها إني ما كملتش في القضية».
