كشفت الفنانة ميار الببلاوي، خلال لقائها في برنامج “العرافة” الذي تقدمه الإعلامية بسمة وهبة، تفاصيل محاولة ابنها الانتحار بسبب فتاة.
وقالت ميار الببلاوي: ابني حاول ينتحر لما كان عايز يخطب وبالفعل خطبها، وبعدين الموضوع مكملش وسابته.
وتابعت: أنا بحب ابني ومش قوية ولا مفترية، بس هي مشكلته خطيبته اللي سابته إنها كانت من أول يوم خطوبة بتقول له شوفلك حل في أمك وانا معملتهاش أي حاجة، هي كانت عسل وبنت ناس بس محبتنيش وحاولت معاها.
وأضافت: خطيبة ابني راحت جابت الدريس لوحدها وعملت ميك اب لوحدها وطول الوقت كانت بتوقع بيني وبين ابني، انا ست مشغولة أم وأب ولازم أصرف علي جوازة ابني وكنت بجهزلهم بيتهم وهي كانت تقول عليا إني شايفة نفسي عليهم وفي الآخر هو اقتنع إنها متنفعهوش وانا مدخلتش.
أما عن وعن دورها الجرئ في المسلسل السعودي “أيام السراب”، علقت ميار الببلاوي: المسلسل عربي سعودي ودرامي والسعودية ايامها كانت حاطة محاظير درامية ومشهد السرير لا انا قربت من الراجل ولا هو قرب مني، ولما لبست الباروكة في العمل قلعت الحجاب، لبست بونيه وفوقه الباروكة لإن المشهد انا نايمة وبيدخل واحد علشان يقتلني، والمشهد كان في منتهي الستر والإحترام هو متغطي بغطاء وانا متغطية بغطاء اَخر، وانا بحب التمثيل وأعتز جدا بأعمال أبو حنيفة النعمان والإمام الشافعي عبد الحليم محمود.
وأكدت: أنا عمري ما قلعت الحجاب ومشهد السرير في مسلسل أيام السراب، معمول بمقاييس شرعية جدا ومكناش لازقين في بعض علي السرير، وانا مغلطتش ومنمتش جنب راجل غريب.
ومن الجانب الآخر كانت كشفت ميار، كواليس انفصالها عن زوجها:جوزي طلقني 11 مرة واتجوزنا كتير، بس هو أول حب في حياتي وأول راجل اتجوزته في حياتي وأنا هو مخلفناش من بعض وعندنا عدم تجانس في الدم مننفعش نخلف فانفصلنا واتجوزت غيره ورجعتله.
وأوضحت: جوزي الحالي اللي حجزني في بلده وأنا حبسته في مصر هنا، وهو كان متغاظ اني خرجت من البلد من غير ما هو يعرف، ووقتها كنت رجعت واخدت ابني وسافرت ورفعت عليه قضية وحبسته في عز الثورة.
وواصلت: أنا وجوزي الحالي كنا دايما بنسيب بعض بمشاكل، واتطلقنا واتجوزت أبو ابني وخلفت منه وبعدين رجعت لطليقي اللي هو زوجي الحالي، بس ماتجوزتش من محلل علشان أرجع له، بس هي المشكلة اننا عصبيين جدا وكل شوية بيحصل كوارث واحنا متجوزين رسمي وانا ووثقته في مصر بس هو موثقش لسه في بلده.
اقرأ أيضًا:قلع الجزمة.. تصريح مفاجئ من ماجد الكدواني بشأن كريم عبدالعزيز يثير الجدل
