دافع خالد أديب نجل الإعلامي عمرو أديب، عن ابنة عمه الممثلة الشابة أميرة أديب بعد الانتقادات التي وجهت لها بسبب طرحها لأغنية بعنوان “كارت محروق”.
وكتب خالد أديب عبر حسابه في موقع X، إنه في العادة لا يدافع عن والده في أي هجوم يتعرض له سواء بسبب رأي سياسي أو حتى حبه لنادي الزمالك، لكنه قرر عدم الصمت تجاه أي هجوم على الجيل الجديد من العائلة.
ودافع خالد أديب عن أميرة أديب مؤكدا أنها حققت نجاحا كبيرا ليس بسبب عائلتها ولكن بسبب اجتهادها قائلا: “حابب بس أقول حاجة في حق بنت عمي أميرة أديب عشان شايف كم قرف بيتقال عالبنت. أيوة. حقيقي. هي من عيلة كبيرة ودا بيديها امتيازات كثير، وأسهل عليها أنها تعمل شيفت زي دا. بس خلينا نكون واضحين. أميرة دلوقتي شعبيتها عند الجيل الصغير يلف عيلتنا كلها في سيجارة”.
وتابع خالد أديب: “أميرة متحدث رسمي باسم Maybelline اللي هي من أكبر شركات المكياچ في تاريخ البشرية، منزلة لعبة كوتشينة الافتتاح بتاعها حرفيا عمل أزمة في المولات من كم العيال اللي حضرت عشان تشوفها. البنت لسا ماعدتش الـ 25 سنة وأنا عن نفسي شايف إنه دا انجاز مبهر جدا”.
وأكمل خالد أديب: “دا غير بقى أنها ابتدت براند بتاعها، ومثلت، ودلوقتي نزلت فيديو من إخراجها. الكلام دا مش سهل. و ولا أنا ولا ابويا ولا أبوها عندهم القوة الناعمة اللي عندها من قوة وجودها على تيكتوك وشعبيتها مع الجيل الصغير. شايف بقى المزيكا وحشة، تمثيلها وحش. تمام عادي. بس كلمة حق أميرة تستحق نجاحها”.
وطرحت أميرة أديب أغنية “كارت محروق”، من توزيع LECHA والكليب من إخراج محمد المصري وملابس ياسمين كناوي وتصمين رقصات وإشراف فني ليلى غالب ومكياج آية عبد الحميد.
مقالات أخرى قد تهمك
ظهور جرئ لمنه عرفه على البحر يشعل مواقع التواصل
بتعملي كده ليه؟.. هجوم حاد من الجمهور على أميرة أديب
