أثارت الفنانة الشابة هبة السيسي، حالة من الجدل بتصريحاتها عن طريقة تعامل المرأة مع الراجل، وذلك خلال لقاء تلفزيوني لها.
وقالت هبة السيسي: “الراجل بيحب يتجوز اللي ترقصله عايز واحدة زي دور روقة في فيلم العار بقول لكل ست لازم تكون روقة لجوزها من الآخر، هو مش عايزك في البيت تقعدي تطبخي هو عايز الفرفشة والدلع”.
وتابعت: “ممكن تطبخي حبه وتدلعيه حبه وهو محدش غريب وهي مش قلة آدب ده جوزك ومش راجع البيت كأنه في الجيش، ولو مبتعرفيش ترقصي روحي أتعلمي الرقص”.
وفي وقت سابق، علقت هبة السيسي على الانتقادات التي تعرضت لها بسبب فستانها في حفل افتتاح مهرجان القاهرة، وأوضحت في تصريحات سابقة لـ القاهرة 24: أنا صحيت من النوم لقيتني طالعة تريند، ومصر كلها بتكلمني، وأنا مش بحب التريند وفستاني في مهرجان القاهرة كان مختلف زي فنانات هوليوود وشكله حلو ومش هيكون حلو غير عليا، وده مش غرور لكني بيليق عليا الحاجات المختلفة وبيكون شكلي فيها حلو.
