رد محمد عبد الوهاب شقيق الفنانة شيرين عبد الوهاب، على اتهاماتها بأنه «غدر بها وباعها»، وذلك في منشور عبر حسابه على “فيس بوك”.
وكتب: « كل واحد عنده قدرة على تحمل الأذى لكن للقدرة دي حدود.. ده قرار النيابة العامة بالحفظ إدارياً في كل الاتهامات اللي اتوجهت ليا بتاريخ ۱۹/۱۲/۲۰۲۲ يعني من سنتين».
“هتحبسي أخوكي”.. منشور صادم من شقيق شيرين بعد تقديمها بلاغ ضده
وأضاف: «إيه هي بقي الاتهامات دي؟ كسر الضلع والعشرين راجل اللي دخلت بيهم على اختي! وطبعا موضوع السكينة! واتسألت علي التوكيل بتاعي وبتاع امي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه».
وأضاف شقيق شيرين عبد الوهاب قائلاً: «وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها ان بنتها اتنازلت وانا أستحمل أي حاجة إلا إنها تتوجع في ولادها».
وتابع محمد عبد الوهاب: «وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم اخلاء سبيلي من النيابة علي ذمة القضية لحد مااتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه. وده حق ربنا لا ظلم ولا افترى».
وأشار : «نفس الكلام اللي من سنتين بيتعاد تاني معرفش لمصلحة مين مع اني بعيد عنك وعن حياتك من سنين قبل الواقعة و سنتين من بعدها».
وأضاف شقيق شيرين عبد الوهاب، «ده قرار النيابة العامة الموقرة في الافتراءات اللي اتوجهتلي ، مش بيان من محامي.. وأي حاجه هرد بيها هتكون مستند حكومي عليه ختم النسر».
واختتم: «مرفق هنا الفيديو بتاريخ ١١/١١/٢٠٢٢ اللي قولتي فيه انك اتنازلتي ولعبتي دور الضحية، ومرفق برضو المستندات الرسمية اللي بتثبت ان القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك».
وكان الفنان حسام حبيب، رد على البيان الذي أصدرته طليقته الفنانة شيرين عبد الوهاب، بشأن أزمة التسجيلات الصوتية المسربة له، وذلك من خلال القاهرة 24، قائلًا: ربنا يقف معاكي ويجبلك حقك وينصرك على أي حد ظلمك، وأنا كنت دائما بسيبها على ربنا وعارف أنه أكيد هيجيب حقي وأكيد هيجيب حق أي حد مظلوم، وطبعا كتر خيرها، وكان لازم كلنا نسمع منها الكلام ده لأن من حقها أنها تكلم وتقول.
وأضاف حسام حبيب: الناس لازم تفهم ليه شيرين متوقفة إنها تنزل أي حاجة على يوتيوب، وممنوعة من ممارسة حقوقها على منصاته واللي منعوها مش بس مستفيدين ماديًا، وكمان منعوها عن الشغل ومن التواصل مع جمهورها يعني بيضربوها في مقتل لأن الفنان إيه غير التواصل مع جمهوره.
اقرأ ايضا:
