كشفت جينا ابنة الفنان الراحل نجيب الريحاني عن سر رشاقتها، حيث تحرص دائما على تناول الطعام بكميات قليلة ولم تقم بعمل أي ريجيم على مدار حياتها، وتهتم دائما بممارسة الرياضة، حيث تمارس السباحة في فصل الصيف والشتاء، وحصلت على ميداليات ذهب وفضة في رياضة السباحة.
وقالت جينا خلال لقائها مع الإعلامية سهير جودة، إنها لا تنزعج من التحدث عن سنها، حيث تبلغ من العمر 85 عاما، مشيرة إلى أن ممارسة الرياضة مهمة، لأن بعد سن الثلاثين تقل العضلات في جسم الإنسان كل عام بنسبة 1%.
وتابعت: «انا عرفت المعلومة دي متأخر، انا في 40 % من العضلات راحوا مني، وأصبحت امارس تمارين رياضية من اجل عودة العضلات، ومش مبسوطة من نفسي دلوقتي عايزة اخس 5 كيلو، ودلوقتي اعتزلت تناول السكر، الواحد لازم يبعد عن الرز والعيش، ويأكل نص كيلو خضروات في اليوم، واللحمة والفراخ مش مهمة انا اهو من غير لحمة وفراخ».
وأشارت جينا انها تزوجت من رجل صعيدي وهي في سن 21 عاما، «هو مكنش يعرف اني بنت نجيب الريحاني، وبابا توفى وانا عمري 11 سنة، فلما اتجوزت هو مكنش موجود بس ماما كانت عايشة وقتها، وكنت اتمنى وجود بابا معايا لما كان في مشاكل مع جوزي، كنت عيزاه ينصحني اعمل ايه، وعيشت في مصر 65 سنة تقريبا».
