كشفت الفنانة عفاف مصطفى، حقيقة طرد الفنان محمد رمضان من حفل خطوبة حفيد الزعيم عادل إمام، الذي عقد قبل أيام.
بدأت القصة بمنشور لعفاف مصطفى، تطلب فيه زيارة الزعيم عادل إمام من نجله رامي إمام.
هل طُرد محمد رمضان من منزل الزعيم عادل إمام؟
فيما كتبت متابعة لها: «طالما مردش متكرريش الطلب ممكن يكون هو تعبان وحضرتك عارفة إنه بلغ من العمر أرذله، أكيد فاكر ناس وناس لاء، وسمعت إن حصلت مشكلة لمحمد رمضان، كان راح خطوبة حفيده من غير ميقولهم واتطرد، بلاش تحطى نفسك ف حتة هتزعلك من حد بتحبيه».
من جانبها ردت عفاف عليه: «محصلش أن محمد رمضان اتطرد دي شائعة.. لأن أسرة عادل إمام ناس منتهي الذوق والأخلاق ورامي حد مؤدب فوق الوصف لأني اشتغلت معاه كتير وعارفاه كويس».
وكتبت الفنانة عفاف مصطفى، خلال منشور لها عبر حسابها الشخصي بموقع التواصل الاجتماعي فيسبوك، قائلة: “زعلانة من رامي إمام بعتاله الرسالة الأخيرة دي على الوتساب ضمن العشرات قبل كده”.
وأضافت: “الرسالة 15 ليك أستاذ رامي.. أتمنى يقرأها أستاذي عادل، نفسي ورجائي أشوف الأستاذ عادل وجهًا لوجه، لأني عارفة إني الوحيدة اللي بضحكه زي مقاللي قبل كده، حضرتك يا أستاذ رامي الوحيد اللي تقدر تحسم مطلبي المتكرر مرارًا وتكرارًا”.
وتابعت: “سؤال أستاذ رامي هو أنا خطر على بابا ولا حاجة؟؟.. أنا لو عملت كوبي لكل رسايلي اللي بترجاك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنة مع رجائي.. الرجاء المتكرر ممكن تسمحلي وأنت من بيت كريم بزيارته وتبلغه قبلها ولو عندكم تحفظات أو ظروفه لا تسمح أنا مش هزعل بس للعلم دائمًا أسمع بزملاء بيقولوا زُرنا عادل إمام في البيت”.
واستكملت: “لعلمك عندي العنوان من زمان، وأستطيع أعمل هجوم المشروع عليه، لكن أنا أكبر من كده ولا أضمن رد فعلكم في زيارة بدون موعد مسبق ومنعًا للحرج، والناس بتزوره اشمعنى أنا يعني والله نفسي أشوفه وأكلمه وأطمن عليه”.
