كشفت المطربة شيرين عبد الوهاب، كواليس الأزمة التي مرت بها خلال الفترة الماضية، وذلك خلال لقائها في بودكاست الذي يقدمه عمرو أديب وأصالة بقناة “إم بي سي.
وقالت شيرين: لما كانت الناس تشوفني في حفلة ويقولوا لي مش دا أداء شيرين اللي احنا نعرفه، إحساسهم كان حقيقي لإني ما كنتش طبيعية، وفي أول حفلة وقعت فيها بعد أزمتي وقعت وقعة غريبة جدًّا على ركبتي وقعدت فترة أتعالج وما حدش كان يعرف، وكان فيه حاجة غريبة بتحصل.
وتابعت: اللي بيأذيني مش حطاه في راسي بس أنا بتأثر والناس من حقها تعرف أنا كنت تعبانة والظروف كانت معايا صعبة.
وأضافت: أنا عملت كل حاجة علشان أمشي وأصحى من النوم ألاقي نفسي لسه موجودة في الدنيا وأبص لربنا وأقول حكمتك يا رب.
واستطردت: “فيه أوقات حاولت أموت وكنت بقول لربنا لو ما خدتنيش أنا هزعل منك وعايزاك تاخدني أنا وأولادي علشان أنا مش هعرف أسيبهم لإن ممكن حد في الدنيا يعذبهم ويستغلهم لإني أنا شُفت أقرب الناس وأبعد الناس والناس اللي كنت متخيلة من زملائي الفنانين يقفوا معاياـ لكني لقيت غل رهيب وغيرةـ ومفيش حتى كلمة سلامتكـ وكانوا يطلعوا يتكلموا في السوشيال ميديا إنهم معايا وأولادي في عينيهم، ولكن عملوا معايا عكس كده، وكانوا بس عايزني أقع وكانوا كدابين”.
