أعربت الفنانة حنان شوقي، عن استيائها بسبب تداول مشهد لها من فيلم الإرهاب والكباب، والذي تعاونت خلاله مع الفنان عادل إمام، مشيرة إلى أن صفحات السوشيال ميديا استخدمت المشهد كمتاجرة وليس للفن.
وقالت حنان شوقي في تصريحات تلفزيونية: أنا متأخرة جدًا في السوشيال ميديا، ولما دخلت عالم السوشيال ميديا لقيت كله بيقول رجلين حنان بعد مشهد الكوتشينة والشورت الأصفر، حسيت إن الناس دي بتاجر ومفيش فن، وعلشان الناس المريضة نفسيًا يقولوا رجلين حنان شوقي، وشهوته هي اللي بتخليه يشوف المشهد ده، ولكن لو اتفرج على المشهد من أوله ولا هيفكر يبص على رجلين حنان شوقي.
وتابعت، أنها سقطت عقب تصوير المشهد، الأمر الذي جعل الزعيم يظن أنها أُصيبت بالحسد، قائلة: بعد مشهد الكوتشينة والشورت الأصفر، كنت باخد صور فوتوغرافيا ومرة واحدة لقيت رجلي اتلوت والبلاتوه كان عالي جدًا وكأن حد بيشدني من شعري وكانت صرخة موت وجالي تمزق في الأربطة، وساعتها أستاذ عادل إمام قال إني خدت عين.
كما كشفت حنان شوقي، حقيقة تبنيها طفلا، موضحة: فيه جمعيات خيرية كانت بتكلمني تقولي ممكن تيجي تعيدي على الأطفال في العيد؟ كنت أقول لهم طبعًا أجي، وروحت جمعية خيرية في سوهاج وأول ما دخلت فيه ولد رشق في قلبي، وحسين إن هو شبهي وابني وعلى طول دخل في حضني.
وأضافت: سألت على قصته وصعب عليا أوي لأنه قمر وطفل وعنده عزة نفس وشكله ابن ناس، وكنت هاخده قالولي للأسف والدته ووالده عايشين، وده كان تحت ستار الحب وأنا مش بسميه حب أنا بسميه شهوة، يعني ناتج حبهم ده الطفل الجميل ده، ولكن الجواز على الورق والورق مهم ولكن طالما رضيت بـ ده تتحمل النتائج، وهو علشان الأهل رفضوا يبقى تسيب حتة منك وتترمي في الشارع؟
