تخطت الخمسين سنة وجمالها ملفت. الملكة رانيا العبدالله محافظة على جمالها ورشاقتها وتظهر صغيرة في السنْ مثل المشاهير بالظبط؟ يا ترى ما السر الذي يجعلها تحافظ على جمالها بهذا الشكل؟
وتفتكروا بتاكل إيه عشان تبقى جميلة ورشيقة كده؟.. إحنا عملنالكم الفيديو ده عشان نقولكم كل الكواليس والأسرار اللي ورا الجمال ده كله.
ناس كتير بتتفاجئ من الشكل اللي بتظهر بيه الملكة رانيا.. هي علطول جميلة ليه كده وكمان معملتش عمليات تجميل عشان تبقى جميلة ولما عملت تجميل كانت محتاجة تعمله عشان تصلح حاجة معينة.. لكن الجمال ده كله وراه سيستم تاني خالص لحد ما بقى أسلوب حياة.. عاوزين تعرفوا الحكاية يلا بينا.
مشهورة بأناقتها
الملكة رانيا العبدالله مشهورة بأناقتها والسر موجود في البساطة اختيار اللي يناسبها في لبسها والملكة بتعتمد على الألوان الزاهية وبتمزجها مع ألوان حيادية زي الإسود أو الأبيض، وكمان بتعشق الاعتماد على التنانير الواسعة وتحديداً الموديلات اللي بتكون بقصة الـ A Line المعروفة.. ووقت الزيارات أو المناسبات الرسمية بتمزج الأبيض والإسود “المونوكروم”، وهي اتجوزت الملك عبدالله التاني في 31 أغسطس سنة 1970 وخلفت 4 أبناء هما الأمير الحسين (ولي العهد) والأميرة إيمان والأميرة سلمى والأمير هاشم.. لكن كل ده وراه أسرار جمال مستخبية.
مفاجأة في حياتها
الملكة رانيا العبدالله بتحب يكون جسمها رشيق وده عشان يبان في اللبس متناسق هتلاقوا مفاجأة في حياتها وهي نظام الأكل دي معتمدة على حمية غذائية منخفضة المؤشر الجلايسيمي هو ده اسمها.. والمؤشر الجلايسيمي ده يعتبر مقياس من صفر إلى 100 درجة يعني كل درجة في النظام ده ليها أكلات معينة.. وبيقدر يصنف الأطعمة اللي فيها كربوهيدرات وتأثيرها على مستويات سكر الدم.. طبعاً في شروط وفوايد للنظام ده وأهمها إنها بتاكل الأطعمة الغنية بالكربوهيدرات اللي بتستغرق وقت طويل في عملية الهضم.
كمان النظام ده بيقدم لصحة الإنسان فوائد زي إنقاص الوزن وخفض ضغط الدم وخفض مستويات الكوليسترول الكلي بالدم والوقاية من السكري وتحسين صحة مرضى السكري والحد من الإصابة بأمراض القلب والأوعية الدموية ومكافحة الكانسر.
الملكة رانيا بتاكل إيه؟
النظام اللي ماشية عليه الملكة رانيا بيخليها تاكل الخضراوات الورقية الخضراء ومعظم الفواكه والجزر والفاصوليا والحمص والعدس.. كمان في أطعمة منخفضة الكربوهيدرات أو خالية منها خالص وبتاكلها بردوا زي المأكولات البحرية ومنها السلمون والتونة والسردين واللحم البقري والدجاج والبيض والمكسرات زي عين الجمل واللوز والكاجو والفستق.. وزيت الزيتون والأفوكادو والزبدة والأعشاب والتوابل زي الثوم والريحان والشبت والملح والفلفل.
طبعا في أطعمة في المؤشر الجلايسيمي المرتقع والمتوسط مينفعش تاكلها زي اللي من 70 درجة أو أكتر ومنها الأرز الأبيض والمكرونة والنودلز والخبز الأبيض والبطاطس.. وأطعمة متوسطة المؤشر من 56 لحد 69 درجة زي الذرة الحلوة والموز والأناناس والزبيب والكرز وحبوب الإفطار المصنوعة من الشوفان وخبز الحبوب الكاملة.
