وعدها بخاتم ذهب ولم يفي بالوعد !..قصة غريبة للبلوجر سوزي أيمن اللى أشعلت السوشيال ميديا خلال اللحظات الماضي وتسببت في غحراج كبير لوالدها، تابعونا لمعرفة القصة الكاملة:
خلت رقبة أبوها قد السمسمة..وعلى قلبه زى العسل ،طالما فى فلوس والمشاهدات بتزيد والعداد بيعد وماله!سوءت سمعته وكسفته قدام كل الجمهور على السوشيال ميديا وهو صوته فى الخلفية بيضحك!على إيه متعرفش..
التيك توكر سوزى أيمن أبوها وعدها بخاتم دهب لو كملت ال200 ألف متابع ..وفكس لها! هتغلب ؟ لا ياترى عملت إيه؟ قالت عليه اللى مينفعش يتقال..إزاى قبل على نفسه كده؟
ومش أبوها بس ..أمها كمان بهدلتها فى الفيديوهات وقالت من ساعة ماجابت تليفون تاتش وهى ولا بتأكلهم ولا مهتمية بيهم ولا بتصرف عليهم .
إزاى قدرت سوزى تطلع أسرار البيت على الملأ كده؟ إزاى بيتخلى الشاب اللى مرتبطة به يجيبلها اللى أبوها حرمها منه؟ لا والغريب إنه عارف بس عامل نفس من بنها “بيقولوله منور ياحاج عجة إيه الحلاوة دى!أصله سالت إيده خالص..
هو مش راضى يجيبلى الخاتم الدهب ..بس عادى أنا الحب بتاعى هيجبلى ،صاحبى اللى مرتبطة له هيجبلى كل حاجة مش عايزة منك حاجة براحتك!
ده كان رد سوزى على رفض أبوها يجيبلها الهدية اللى وعدها بها لو كملت ال200 ألف وقالها”الضرب على العين يفيد بعدين” ..بقى يا راجل الغريب والقريب يجيب لها وإنت لأ؟
سوزى طلعت فى فيديو قبل كده وقالت أنا لسة راجعة من درس الإنجليزى”أصلها فى ثانية ثانوى لسه” والميس أدتنى شوكولاتة أه هى صغيرة بس عجباها وقالت لها خدى با بت يا سوزى علشان كملتى ال200 ألف متابع على التيك توك!
ولو على الخاتم هى عرفت هتجيبه إزاى وبطريقتها ..أمال حبيبها لازمته إيه يا حاج أيمن؟بالظبط كده..
قالت عن ابوها إنه بخيل ومدعى الفقر ،ومقصر معاهم فى مصروف البيت ،لدرجة إنه جاب لهم علبة جبنة من أسبوع وزليلهم بها ..والاكل منها بحساب كل واحد لحسة فى اليوم!
بتقول كمان إن على قلبه قد كده ..ومنشفها عليهم أوى ورافض يطلع اللى تحت البلاطة!الغريب بقى إن بيتلكك بخسارة الزمالك..أصله زملكاوى وكل ما الزمالك يخسر يرفض يديهم فلوس!لا وكمان بيستلف منها فلوس واخد منها 300 جنيه وبيخصم كل مباراة الزمالك يخسر فيها 20 جنيه!
الغريب إنه بيصرف فلوسه فى حاجات ملهاش لازمة ..سوزى بتقول إنها إتفاجئت إنه داخل عليهم بسلحفة وهيربيها ..طيب مش ولادك أولى بالفلوس دى؟
سوزى مبقتش تروح دروسها ..وطلبت من السناتر محدش يكلم أبوها ويحرجه علشان هو مش معاه فلوس يدفع ..طيب بالنسبة للى بتعمليه ده يا سوزى فى أبوكى مش إحراج؟
لما خرجهم فى العيد ..جاب لهم مشروب يشربوه وخصم تمنه من العيدية اللى كان المفروض هياخدوها!
ولما يبقى ربنا فتحها عليه ومعاه فلوس بردوا بيتهرب منها لدرجة إنه بيرفض يوصلها لما يفول الموتوسيكل بتاعه..
لكن طبعا حبيبها معوضها عن كل ده ..معوضها عن وجود أبوها اللى زى قلته ..توصيل للدرس صاحبها بيجيبها ويوديها واد عنده نخوة وأصيل كله إلا البنت اللى ماشى معاها..
بس هى زعلت منه ونيمها معطية يا حرام ..لما راح إشترى فيب ب 3500 جنيه ،كان أولى يجيبلها خلاط ولا جهاز علشان يتجوزوا!
سوزى بتتعرض للتريقة فى الشارع علشان حجمها قليل وسفسفة كده ..وده مضايقها كده نفسها تبقى كيرفى ومالية مركزها علشان تعجب صاحبها ..راحت وطلبت من أبوها تروح تكشف وتعمل تحاليل وتعرف ليه هى مش بتتخن؟ أبوها قالها العود الفرنساوى أحسن عود أسمعى منى!
مجاتش على قد أبوها وأمها بس ..لأ كمانسوزى إستغلت تعب أختها مى وبتظهرها معاها فى الفيديوهات علشان هى من ذوى الأجتياجات الخاصة تقرأ للمتابعين سور من القرأن.
سوزى مذبذبة مرة محجبة وعشرة لا..بس هى وعدت المتابعين إنها هتتحجب لما شعرها يطول..وده أغرب سبب ممكن تكون سمعته ليه متحجبتيش لحد دلوقتى!
الجمهور مش عارف هى دى صراحة زيادة ولا وقاحة ..حتى جدتها قللت منها وعيبت على أكلها وقالت عليه يسد النفس!سوزى أصلها أردنى ومصرية ..بدأت تتعرف على التيك من الفيديوهات اللى بتفضح فيها عيلتها فى البيت!
عرفت تدخل للجمهور بشكل مختلف عن كل التيكتوكرز اللى على الساحة ..خدت سكة مختلفة ومكملة فيها رغم إن الجمهور شايف إنها بتنشر أسرار بيتها وميصحش إلا إن البعض بيحب يسمع حكايتها وزى ما يكون بتشتكى همها للناس ..ماهو بردوا كل واحد اللى فيه مكفيه! لكن للأسف الكل مستغرب من رد فعل أبوها وأمها سلبيين لأقصى درجة معقول ده كله علشان الفلوس! إنتوا رأيكوا أيه؟ شاركونا فى التعليقات.
