حكايتها أغرب من الخيال أمها مقطعاها وعيلتها عملولها بلوك.. طلعت تعيط وهي تعبانة ومفيش حد واقف جنبها.. فيديو غريب ظهرت فيه أليونا أجمل بنت سعودية وهي منهارة واتكشفت قصتها مع عيلتها.
إزاي أمها كانت عوزاها تتجوز سعودي ورافضة جوزها يزن وليه أمها وعيلتها كلها عملولها بلوك؟ ليه أليونا قالت مش كل أم تبقى أم؟ وليه دخلت المستشفى لوحدها وإيه محتوى الرسالة اللي أمها بعتتهالها وقعدت تعيط بسببها وإزاي نفذت كلام أمها؟ كل ده وأكتر هتعرفوه معايا في الفيديو ده.
أليونا ويزن.. ثنائي مشهور على السوشال ميديا وليهم متابعين بالملايين.. كل الناس شايفين حياتهم وردي وبيظهروا على حساباتهم ومعاهم ابنهم بس ورا الاتنين دول حكاية غريبة في العيلة عند أليونا والجميل إن يزن في ضهرها وبيدعمها وهي بتعتبره العوض ليها.. لكن إيه اللي مستخبي بقى وظهر الساعات اللي فاتت.
أزمة صحية كشفت المستور
أليونا تعبت وراحت المستشفى عشان في مشكلة عندها كان لازم ليها تدخل جراحي وده اللي كشف المستور بقى.. جوزها كان مسافر ومعرفش يكون جنبها في بداية التعب وده اللي خلى الجمهور يسأل فين أمها تكون جنبها في لحظة صعبة زي دي بدل ما هي سايبة بنتها كده.. لكن اتضح إن مش كل أم تبقى أم زي ما قالت أليونا في ردها البسيط السطحي على المتابعين.
الجنسية سبب الأزمة
اللي اتضح بقى إن أم أليونا اللي هي من بيلاروسيا أو روسيا البيضاء مقاطعة بنتها وكل ما أليونا تجيب رقم جديد وتكلمها تعملها بلوك ووصلت إن العيلة كلها عملت بلوك.. طيب إيه السبب؟.. مامة أليونا انفصلت عن أبوها واللي ربى أليونا واتبناها جوز أمها السعودي واعتبرها زي بنته.. ولما جت أليونا تتجوز كان يزن أردني بس مولود في السعودية وعشان هو مش سعودي أمها رفضته وقالت يا أنا يا جوزك اللي إنتي عاوزاه ده .. بس أليونا اختارت يزن اللي حبته وعاشت معاه.
انهيار أليونا
ليه بقى أليونا انهارت من العياط لما ظهرت على حسابها في سناب شات؟.. قالت إن المتابعين عندها بعتوا رسايل لأمها قالولها بنتك تعبانة روحيلها واقفي جنبها.. بس أمها فاجئتها برد صعب بعتتلها رسالة وقالت متخليش حد من المتابعين عندك يبعتلي يقولي حاجة والموضوع اتقفل على كده.. طلعت أليونا تعيط وتقول رجاء المتابعين عندي متبعتوش حاجة لأمي.. لدرجة إن المتابعين اتمنوا إنهم يكونوا جنب أليونا ويحضنوها عشان يدعموها.
كلام أليونا مؤثر وهي بتعيط وقالت أنا مش مستنية منها حاجة في الحياة أنا حملت وولدت ومجتش وبس شافتني بعد الولادة بـ3 شهور عشان تتصور مع ابني زيان وتوري الصور لصديقاتها.. كان نفسي يكون عندي أم وأب وأخت زي باقي الناس بس ده محصلش عشان في ناس متكبرة بس ربنا يخلي كل الناس والأمهات الكويسين.
أليونا شايفة جوزها يزن هو العوض من ربنا ليها مكتفية بيه والحياة ماشية وهو رجع من سفره عليها ووقف جنبها في تعبها.. قولولي بقى لو انتوا مكان أليونا تتجوزوا اللي بتحبوه ولا تقاطعوا الأم عادي؟.. اكتبولي آرائكم في التعليقات.
