تخلت عن الحجاب وستدخل عالم التمثيل..مفاجآت مدوية عن قمر الوكالة بعد الشهرة والفلووس

الشهرة غيرتها  بشكل كبير وإن رأيتها لن تعرفها، أصبحت صاحبة أفخم المحلاتوحققت شهرة واسعة في مجال التجميل..نتحدث عن قمر الوكالة.

قلعت الحجاب بعد الشهرة والفلوس وبقت تلبس ع الموضة بدل العباية..و الزهر لعب معاها، وركبت العربيات ومش عارفة تودي الفلوس فين ؟

حكايتها طلعت حكاية..مش هتصدق جابت الفلوس منين ؟وإزاى إتحولت كده من بنت شعبية بتلبس عباية لبيزنس وومان على سنجة عشرة..

النعمة والعز بانوا على قمر فجأة والكل عارف إن منتجاتها مضروبة ومع ذلك لها زباينها .. فهل يا ترى الفلوس اللى عملتها قمر دى من المنتجات التجميلية بس ولا الموضوع وراه إن؟

هل من المنتجات المغشوشة ولا من فلوس التيك توك؟

قمر طول فترة شغلها ماشية جنب الحيط ،وب100 راجل وبتكسب مع عرق جبينها ..ومفيش أى شبه فى السكة اللى ماشية فيها غير إنها بتبيع منتجات عناية بالبشرة والشعر مضروبة ،ولكن هى بتتعامل على إنها أوريجنان زى ما بتقول كده..

وعندها ثقة كبيرة جدا فى نفسها ومنتجاتها وده يمكن اللى ميزها عن غيرها كتير،قدرت تدخل للناس من الناحية المادية وتلعب على إحتياجات الستات.. الحاجة اللى ب 1000 جنيه عند قمر ب100 وأرجينال كمان! إزاى متعرفش هو كده..
الأسعار تغلى.. الدولار يتجنن! قمر ثابتة على أسعارها! وأسأل برة ..

التغيير الحقيقة مبانش فى شكلها بس ،لا فى محتواها كمان،بقيت تقدم نصايح للبنات علشان يهتموا بنفسهم
مش بس كده قمر بقت إستشارى علاقات..وبتدى نصايح للستات عن الجواز والطلاق..هى سنها صغير أه بس عندها خبرة كبيرة !

قمر شايفة إنها شقيت وتعبت،وربنا عوضها عن اللى شافته وبعد ما كانت بتبيع منتجات العناية بالبشرة والشعر والمكياب على فرشة فى الوكالة بمنطقة بولاق أبو العلا.. فجأة انتشر لها فيديوهات على السوشيال ميديا ،وتصدرت التريند بسبب طريقتها فى الكلام وتلقائيتها ..

وإتقال عليها كلام ملهوش أول من أخر ..لكن هى ركزت فى شغلها وبس لحد ما بقيت سيدة الأعمال على سن ورمح ..
فجأة إتقبض على قمر بعد شوية من شهرتها دى وكانت فى بدايتها بسبب إنها بتبيع منتجات مغشوشة حتى لما إتقبض عليها والناس هاجمتها ميأستش ومكملة وخرجت من الحبس بكفالة 20 ألف جنيه!

هل قمر تبعد عن السكة دى وتشوف لها شغلانة تانية؟ لا أبدا..قررت تكمل فى نفس المجال! وبقيت السوشيال ميديا شغلها الشاغل. قمرلعبت بالفلوس لعب! وركبت العربيات أحدث موديل وشعرها بقى بلون كل يوم والتانى واللبس بقى على الموضة وقلعت الحجاب..
قمر عملت إستايل جديد يليق مع وضعها وحالتها دلوقتى، بس متقدرش تحدد هى قلعت الحجاب ولا لا..لإن هى كل يوم بشكل وإستايل معين حسب مودها ..

قمر نفسها تتجوز وقالت طبيعي أفكر في الزواج زي كل البنات، أنا حاليًا ١٩ سنة لسه صغيرة، لكن لو نصيبي جه مش هقوله طبعًا لا، ولو طلب مني أسيب الشغل، هعمل كده ، أنا عايزة أصلًا أتجوز وأتستت زي ما بيقولوا، وليا مواصفات في فتي أحلامي لازم تتوافر فيه، أولًا يكون محترم وابن حلال ويتقي ربنا فيا..

كده مش باقى غير حاجة واحدة وتبقى قمر مشيت على طريق التريند زى ما بيقول الكتاب .. بالظبط كده..قمر قالت إنها هتمثل وفى كذا حد اتكلم معايا بس لسه مفيش حاجة مؤكدة، ونفسي أمثل مع محمد رمضان وباعتبره فتي أحلامي، وبحب أوي الفنانة أمينة بتاعة الحنطور..

قمر بتقول الشغل عمره ما كان عيب ،والإيد الشقيانة تعبانة .. إنتوا بقى شايفين اللى بتعمله قمر ده إيه؟