الأميرة رجوة الحسين وعريسها الحسين بن عبدالله ولي عهد الأردن خدوا جولة في أوروبا وقضوا شهر العسل وعادوا..لكن ياترى أين ذهبوا ولماذا وما سر اختيارهم لتلك الأماكن؟
والاتنين هيعيشوا فين بعد شهر العسل والاستقرار؟ وهل هيكون للأميرة نشاطات في القصر الملكي؟.. خليكوا معايا في الفيديو ده هقولكم تفاصيل الحكاية.
الأميرة رجوة الحسين وعريسها الحسين بن عبدالله ولي العهد لهفوا الأنظار في العيد بعد ما نشروا صورة مع بعض في العيد والجمهور كان فرحان بيهم وبيتمنى ليهم السعادة في حياتهم.. طبعاً وقتها مكانوش لسه بدأوا أي نشاط من بعد الجواز اللي حضره فنانين ومشاهير ومسؤولين حكوميين جوه وبره الأردن.. وكانت زفتهم أسطورية واتكلم عليها الكل.. لكن إيه اللي جولة في أوروبا.
الأمير الحسين والأميرة رجوة اختاروا إنهم ياخدوا جولة في أوروبا وقت شهر العسل بس أكتر وقت قضوه كان في الولايات المتحدة الأمريكية.. وشهر العسل بدأ من لندن ومقعدوش فيها كتير وطلعوا على نيويورك وواشنطن وقضوا أحلى أيام مع بعض وعملوا ذكريات حلوة هيفتكروها طول حياتهم.
لكن ليه اختاروا أمريكا بالذات عشان يقعدوا فيها أطول وقت في شهر العسل؟.. هما شافوا إن نيويورك وواشنطن هيعرفوا يتحركوا فيهم براحتهم لأنهم عارفين الأماكن هناك من وقت ما كانوا بيدرسوا في الجامعات هناك.. وكمان قضوا وقت ممتع في سان فرانسيسكو وهاواي وتاهيتي وهناك كانوا بيتحركوا بسهولة وكان اختيار صح إنهم يروحوا أماكن عارفينها وهيعرفوا يتعاملوا فيها ويتحركوا كويس.
هيعيشوا فين؟
السؤال اللي بيطرح نفسه بقى كمان هو ياترى العريس الأمير والعروسة الأميرة هيعيشوا فين بعد ما خلص شهر العسل؟.. طبعاً كان في كلام إن الملك عبدالله والملكة رانيا كانوا عايشين في شقة صغيرة وقت جوازهم لحد ما بدأوا يكبروا واحدة واحدة.. لكن اللي حصل مع ولي العهد الأمير الحسين عكس كده.
وقرروا يعيشوا سوا في قصر الحسينية في العاصمة الأردنية عمّان.. والقصر ده جنب مسجد الملك الراحل الحسين بن طلال.
وجوه قصر الحسينية في حدائق الحسين ومتحف السيارات الملكي.. وكمان مكتب رئيس الديوان الهاشمي، ومكتب رئيس التشريفات الملكية والقاعات اللي بيتم فيها المباحثات الملكية خلال زيارة الضيوف الخارجيين للمملكة وفيه كمان بيؤدي الوزراء الجدد القسم أمام الملك وفي حالة إجراء تعديل على الحكومة.. طبعاً كل ده هيكون من نشاطات الأمير الحسين بن عبدالله جوه القصر.
نشاطات الأميرة رجوة
لكن الأميرة رجوة الحسين هيكون ليها نشاطات طبعاً مش هتقعد كده وخلاص.. وهتبدأ تحضر كل أنشطة القصر الملكي وهتمثل ولي العهد في المناسبات المحلية والدولية اللي هتقام خارج الأردن زي حفلات زفاف أعضاء العائلات الملكية والحفلات الخيرية والمناسبات العامة والمجتمعية.
رجوة آل سيف رفضت الشغل في شركات باباها المليونير السعودي خالد آل سيف ولولا رفضها ده مكانتش قابلت العريس.. عشان رجوة بعد ما خلصت دراسة الهندسة المعمارية في نيويورك واتخرجت راحت تتدرب في شركة بره وكانت متخصصة في التصميم الداخلي والديكور في الأردن عشان تقابل عريس المستقبل وفي مقابلة جمعتها بصديقة أردنية ودي كانت صديقة الأمير في الدراسة بردوا ولما شافها الحسين بن عبدالله عجبته وقعدوا فترة مفيش كلام بينهم لحد ما الأمير مقدرش يقاوم قلبه اتكلموا وحسوا إنهم متفاهمين ووقع في حبها وبدأت قصة الجوازة الرسمي.
ورجوة آل سيف اتخطبت لولي العهد الأردني سنة 2022 ووقتها الملك عبدالله التاني والملكة رانيا راحوا السعودية عشان يطلبوها لابنهم البكري.. والأمير قدملها خاتم خطوبة شيك معمول مخصوص ليها واتقال إن قيمته كانت 100 ألف يورو وده كان مهرها.
طبعاً مشوار السعودية ده تم بعد ما الملكة رانيا شافت العروسة في حفل عشا وعجبتها وكان أكتر حاجة ميزت رجوة آل سيف إنها فيها شبه من الملكة رانيا.. وكمان رجوة متواضعة وجميلة واخوات الحسين بيحبوها جداً ربنا يسعدهم ويعيشوا في تبات ونبات ويخلفوا صبيان وبنات.
