كل الناس كانت فاكرة إن جوروجينا رودريجيز ستغير حياتها ونظام ملابسها عندما تأتي للعيش في المملكة، وهذه الخدعة تأكدت في أول ظهور رسمي لها بالمملكة عندما ظهرت بالعباءة ولكن بعدها بدأت تصدم الجميع بإطلالة جريئة، تابعونا من خلال هذا التقرير لمعرفة المزيد:
الدنيا مقلوبة في المملكة العربية السعودية بسبب صور جورجينا رودريجيز اللي بتبقى حريصة تأكد إنها بتتصور في المملكة على انستجرام، وحواليها عيالها وعيال كريستيانو رونالدو، بس صورها عريانة شوي، وده عامل مشاكل
جورجينا حاولت في الأول تكسب قلوب السعوديين والعرب أكتر ماهما بيحبوها أصلا، وظهرت في حفل تقديم رونالدو مع فريق النصر السعودي محتشمة، ولابسة عباية، وبعد كده ظهرت مرة تانية في فيديوهات وهي بتتكلم عربي وبتقول السلام عليكم
بس بعد كده بدأت تتمرد ومبقاش عاجبها الدنيا المقفلة اللي اتفرضت عليها يعني هي آه بتدعم رونالدو في كل قراراته وبتروح وراه مكان ما يكون لكن حريتها الشخصية وخصوصا في ملابسها اللي معروف إنها ملهاش سقف عندها بالدنيا برضه
على قد ما اللي بيشجعوا كورة كانوا مبسوطين إن رونالدو جاي يلعب في السعودية ودي خطوة كبيرة للكرة العربية ودعاية ملهاش حدود.. لكن الستات غيرانة من جورجينا.. وعملوا وقفات احتجاجية على وجودها.. يعني في الأول كانوا بيشوفوها على انستجرام بس وبيقولوا مش مشكلة بعيدة عننا.. إنما دلوقتي بقت قريبة أوي وعاملة مشاكل كتير
لكن العرب ملهمش حل وطبعوا على كريستينا بأفكارهم.. وأول حاجة عملتها إنها نشرت كف أزرق في ستوري ليها على انستجرام عشان خايفة من الحسد.. حقها بصراحة ده فلوس صفقة رونالدو.. والدلع اللي عايشينه في المملكة.. ده غير الامبراطورية اللي عنده حاجة لازم تتحسد جامد
بس كل ده مش فارق مع جورجينا قوي.. وواخدة حريتها وراحتها على الأخر في المملكة.. وبتنزل بلبسها العادي ومن غير ماكياج ولا أي تكلف.. تتسوق وتعمل شوبينج في المولات.. لا دي كمان بتروح تجيب طلبات من السوبر ماركت
ورغم كل ده جورجينا مركزة على الهدف اللي جت المملكة عشانه.. وهو دعم كريستيانو والوقوف جنبه في خطوته الجديدة.. بعد ما كان موقوف ماتشين.. وبتحضر معاه التدريبات وتروح مع ولاده التمارين بتاعتهم.. وبتحافظ على قوام العيلة زي ماهو سواء لما كانوا في انجلترا ولا في أسبانيا
وطبعا الإشاعات مسابتهمش في حالهم.. وعلى طول بدء الكلام على إنهم متخانقين وإنها مش مبسوطة في المملكة ولا بالقرار الجديد اللي خده ده.. بس هي نفت كل ده في ثواني.. ووجودها ودعمها له ملهوش حدود
