مين منا لا بيحب الاكل ويحب يجرب اكلات جديدة كل وقت والآخر مهما كانت تكلفتها، لكن هل ممكن تاكل بيتزا بالاف الدولارات أو طبق حلويات ثمنه ممكن يصل لنصف مليون جنيه؟
لكن الحقيقة أن في وجبات بتتباع بالاسعار دي واكتر كمان، وده حسب موقع العربي، إن فيه مطعم في ايطاليا و بيبع بيتزا اسمها لويس الثالث عشر مقابل 12 ألف دولار وده بسبب ان عجينتها بتحتاج ل72 ساعة عشان تتنفخ.
مش بس كده وقال كمان إن فيه طبق حلويات بيتقدم في سيرلانكا وده يعتبر تحفة فنية لانه بيصنع يدويًا من الشوكولاتة الصافية، وده بقى تمنه 14.500 دولار يعني نص مليون جنيه مصري.
ده كمان فيه مطعم من مطاعم امريكا بيبع قطع البرجر ب5000 دولار، وده لأنه مصنوع من لحم الاوغيوا اغلى لحم في العالم، وفيه كمان بيتزا بس دي مش اي بيتزا دي مصنوعة من الدهب 24 قيراط وبتتقدم على ورقة دهب ودي سعرها 2700 دولار
أما بقى لو انت من عشاق الايس كريم ففي مطعم في امريكا بيقدم ايس كريم من نوع خاص شوية، وده لأنه مصنوع من الدهب عيار 18
عشان كده مش هتستغرب سعره أما اقولك ان ال3 بولات منه بيتباعوا بالف دولار وبيتقدم في كوباية كريستال ب350 دولار يعني 11 الف جنيه تقريبا
ودلوقتي قولنا أغلى وجبة كلتها كانت بكام؟
