خناقات وأعمال وحسد كلها أحداث تحدث مع نادى الزمالك هذه الايام والمستشار مرتضى منصور بنفسه تحدث عن أن الزمالك تم عمل سحر له حتى لا يفوز في المبارايات ولا يحرز اي أهداف.
، وزي ماشفتو فى أول الفيديو كده المستشار بنفسه بيقول ان الزمالك معموله عمدعشان مايجيبش اجوان خالص ولا يفوز فى المباريات.
طيب ده إيه علاقته بالخناقة اللى عملها أمير مرتضى مع جماهير الزمالك بعد ماتش بلوزداد؟ .. وليه الجماهير حدفت على مجلس الزمالك زجاجات مياه؟ .. كل ده واكتر هنعرفه مع بعض في التقرير التالي:
من شوية كان فيه مباراة لنادى الزمالك مع شباب بلوزداد، وانتهت المباراة بهزيمة الزمالك ١-٠، على الرغم من الاداء الجيد اللى عمله لعيبه الزمالك طول المباراة، وده خلى جماهير الزمالك تشك في الأمر وتقول ان الهزائم الكتير الفترة اللى فاتت دى وراها حاجة غريبة، واكدوا٥ على كلامهم ده بفيديو لكلام المستشار مرتضى منصور اللى سمعتوه في أول الفيديو وهوا بيقول إن نادى الزمالك معموله سحر، وأن دلوقتى بقت المنافسة في البطولات أن اللى يجيب ساحر أقوى هو اللي يفوز.
حد ممكن يجي في باله دلوقتي أن الزمالك فعلا معموله سحر وزي ما بياثر على الاعبيه جوه الملعب اثر كمان على الجهاز الإداري للفريق بره الملعب وكمان الجماهير، وزى ما ها تشوفوا دلوقتي، كان فيه خناقة كبيرة قوي ما بين جماهير نادي الزمالك والجهاز الإداري للفريق وبالتحديد مع أمير مرتضى منصور، بصفته المشرف العام على النادي، وبعض الجماهير تعتبره الأول الناهي في النادي فعليا بعد اذن المستشار.
والحقيقة أن الفيديو اللى فات ده بتاع كلام المستشار على الأعمال ده فيديو قديم ومالوش علاقة خالص باللى حصل من شوية بهزيمة نادى الزمالك من بلوزداد، أو الخناقة بتاعت الجماهير مع أمير مرتضى منصور، المشجعين بس بيعيدوا تداول الفيديو من غيظهم باللى بيحصل مع الفريق.
وكمان الخناقة اللى حصلت بين أمير مرتضى منصور وجماهير الزمالك ليها اسباب تانيه خالص، أهم الأسباب دى وأولها أنه الجماهير غضبانة من الأداء السيئ اللى ظهر بيه نادي الزمالك فى ماتش بلوزداد، والهزيمة اللى تعرضوا لها، ده بخلاف الصفقات اللى عملها النادى خلال الفترة اللى فاتت ومش عارفين يسجلوها، فا كل ده خلى الجماهير حرفيا جابت آخرها.
وزيد على كده كمان اللقطة الشهيرة اللى عملها سيد نيمار وقت الماتش، ودخلته لأرض الملعب بكوباية شاي في الخمسينة، ولا كانه النادي بيواجه صعوبات ولا حاجه، والعملية معاه اخر حلاوه يعني.
اللافت بقى أن جماهير نادى الزمالك بعد ده كله ما استسلمش والحقيقه فضلوا طول الماتش عاملين شغل عالى جدا، تشجيع وهتاف ملئ أرجاء استاد القاهرة على آخره حرفيا، و فضلوا يقولوا ” افريقيا مش هنسيها .. إحنا اللى هانجيبها”
فهل ياترى بقى بعد الكلام ده، الزمالك هو اللى هيخلص في أفريقيا زى ما جماهيره بتقول ولا الكلام اللى قاله المستشار مرتضى منصور في اول الفيديو ان الزمالك معموله سحر هيطلع بجد، ومش هيحققوا ولا بطولة الموسم ده.
ياخبر النهارده بفلوس بكره يبقى ببلاش، ادينا مستنين البطولة تخلص ووقتها فعلا نقدر نقول كلام مين اللى صح، ولا انتم شايفين إيه ؟
