تخيل أن كل من يقابلك يدلعك ويريد أن يرضيك، هذا ما حدث مع شاب مصري في السعودية كان محل اهتمام الناس هناك بشكل كبير.
السعوديين اللي حاولوا يدلعوا الشاب المصري ويراضوه بأي شكل من الأشكال كان حديث الناس على السوشيال ميديا.. بس يا ترى عمل إيه؟ وإيه هي قصته؟.. تفاصيل كتيرة هنقولكم عليها في الفيديو ده.
هو إيه حكاية الشاب المصري اللي كان الكل بيحاول يرضيه في السعودية.. ده شاب قرر أنه يعمل جولة لكن في الرياض كانت حديث الناس.
المصري راح المملكة العربية السعودية عشان يعمل رحلة سياحية هناك السبب فيها شخص سعودي ياترى هوا مين.
في الحقيقة السبب في الزيارة دى كان سائق تاكسى، ايوه سائق تاكسى، السعوديين عادي زينا زيهم وعندهم تكسيات ماتستغربوش، السائق ده أسمه سعيد وبالصدفة قابل المصرى في المطار واقنعه انه يقضى معاه يوم يفرجه فيها على كل الأماكن السياحية في السعودية ويقضى يوم زيه زى السعوديين بالظبط.
بداية اليوم كانت بالفطار، ماهما السعوديين معروفين بالأكل وحبهم للاكل طبعا، الغريب بقى أنه اخد صديقنا المصرى وعزمة على فطار أنما أيه، سندوتشات كبده، على الصبح كده فطره كبده مافيش تفاهم خالص، دى كمان بيعملوها ببصل، يعنى قلبان بطن على الصبح، ما علينا المهم أنها كانت أحلى حلوه وبسطط المصرى.
الغريب واللى لفت نظر بلديتنا المصرى في السعودية، أن كل شويه وهو ماشي السعوديين اللى يقابلوه يقولوله “ياباشا”، وده كان غريب طبعا، وسأل ليه بيقولوله كده، طلع أنهم بيقولوا كده لكل المصريين اللى رايحين السعودية سياحة، تقديرا ليه يعنى، غير كده فا انت عامل، وليك تقضى شغلك وبس.
بعد كده أخده لبسه العقال السعودي، وراح بيها علشان ياكلو لتانى مرة ما هما مهتمين بيه وبيحاولوا يدلعوه.
سعيد السعودي اخد صديقنا المصرى وراح بيه لمطعم بتاع كبسة لحمة، وكان ليها تأثير جبار عليهم، خليتهم بعديها ضحك في ضحك، تقريبا وقعوا في نوبة ضحك، غابوا يكركروا حرفيا، شكل الاكل كبس عليهم.
وفى آخر اليوم بقى وزى أي يوم ترفيهي في العالم، سعيد أخذ أخونا المصرى وراح بيه على ملاهى، يلعب وينشن على دباديب، واللى يصيب فيهم دبدوب ياخده معاه وهوا مروح، وبما أن المصرى لعيب فا هوا كسب بالفعل اتنين دباديب لعبة، وهوا مروح بقى يروح يديه لخطيبته أو مراته لو متجوز، هاتفرح قوى.
بعد الفيديو الى صورة سعيد وصديقنا المصرى، السعوديين فرحوا جدا بالزيارة والكل بقى يشير الفيديو عنده على صفحته على فيس بوك، فرحانين أن فيه واحد مصري راح السعودية زيارة، وبيقولوا علينا أحلى شعب وأحلى أخوه عرب.
احنا طبعا بنحب السعودين جدا، ونتمنى ليهم كل خير، ماهى بلاد الحرمين وفيها نزل الدين الاسلامى، بس تفتكروا لو أنتم مكان صديقنا المصرى ومعاك فلوس تقدر تسافر بيها تعمل رحلة سياحة، هل هتروح السعودية ولا تخليك في بلدك وتروح أي مكان من الأماكن الجميلة اللى كلها أثار وأماكن خروجات حلوه، ده أحنا عندنا الاهرامات بس بيجيلها ناس من كل العالم.
إحنا مستنين رأيكم في التعليقات، لو مكان صديقنا المصرى تسافر السعودية رحلة سياحية ولا تتفسح هنا في مصر وتنبسط بحضارة بلدك.
