عندما يتم ذكر سلطنة بروناي، يشعر الكثيرون بالاهتمام بالسلطان حسن البلقية، الذي يعتبر واحدًا من أغنى الأشخاص في العالم، ويتمتع بأسلوب حياة فاخر ويتمتع بتقدير واحترام شعبه. وفي رمضان الماضي، قام حسن البلقية بتوزيع هدايا رمضانية على كل مواطن في بلاده، وهي علبة “الكورما” التي تحتوي على تمور غالية. ولكن اليوم سنتحدث عن عائلة البلقية، التي خرجت بعض أفرادها كأغنى لاعبي كرة القدم في العالم.
لما بتيجي سيرة سلطنة بروناي، على طول بنفتكر السلطان بتاعها البرنس الكبير حسن البلقية، واحد من أغنى الناس في العالم وأكترهم ترفا، ومروق على شعبه، يعني في رمضان اللي فات زي ما كشف موقع سكاي نيوز، وزع حسن البلقية على كل مواطن في شعبه هدية، ودي عبارة عن علبة «الكورما» ودي علبة فيها تمور غالية، بس هنتكلم عن حد تاني.. العيلة دي خرجت أغنى لعيب كروة في العالم.
عمرو دياب في أغنية الحفلة غنى لسلطان بروناي، ومن هنا بدأت الناس تسأل عن بروناي وسلطانها حسن البلقية، وهي بلد في آسيا مجهولة شوية لناس كتير ومحدش يعرف عنها حاجة، ولكن معروف إنها بلد ثرية، وسلطنها غني جدا.
والسلطان حسن البلقية كنا اتكلمنا عليه قبل كدة وقولنا إنه عنده 7 آلاف عربية وثروته تفوق الـ30 مليار جنيه إسترليني، وبيمتلك أرض أكبر من حجم السلطنة اللي بيحكمها، وعنده حديقة حيوان خاصة بيه.
وعنده ألقاب كتير وحاجات من دي، ولكن كمان بقى العيلة دي فيها حالة خاصة تاني غير الحاكم ده، وهو فايق بلقية، ابن أخو حسن البلقية، وهو أغنى لاعب كورة قدم في العالم.
فايق بلقية ده ثروته 16 مليار جنيه إسترليني، يعين أغنى من أغنى لاعيبة كورة في العالم وهما كريستيانو رونالدو وميسي، بس الفرق إن هو لسة عنده 24 سنة بس.
وهما في آخر التلاتينات وثروتهم دي جمعوها من لعب الكورة والإعلانات، هو ملعبش كورة كتير كان غالبا قاعد دكة معظم الوقت، ومبيجيلوش ولا إعلانات ولا حاجة.. بس يا بخت من كان السلطان عمه.
المهم إن فايق بلقية ده من المرشحين كمان لوراثة عرش السلطنة، يعني هيبقى أغنى لاعب كورة وكمان سلطان، فايق اتولد في أمريكا، في لوس أنجلوس، انضم لفرق في الدوريات الكبرى زي الإنجليزي والبرتغالي، وفشلت التدربة، فراح يلعب في تايلاند.
أبوه بقى راجل دماغ في نفسه يعني لما تم 50 سنة راح جاب مايكل جاكسون يغني في حفلة عيد ميلاده ودفعله 17 مليون دولار، وزي أخوه السلطان بيحب العربيات، فهو عنده 2300 عربية بس.
فايق لعب مع نادي نيوبري الإنجليزي في الناشئين، ومنه راح لأكاديمية ساوثهامبتون في 2009، وقضى فترة اختبار مع أرسنال سنة 2013، ولعب معاهم ماتش وتشيلسي مضى معاه عقد سنتين، قعد فيهم سنة.
وبعدين مشي وراح لفريق الشباب بتاع ليستر سيتي ولعب معاهم 5 ماتشات بس وصنع جون واحد، ومنه راح نادي مارتيميو البرتغالي ولكن ملعبش ولا ماتش مع الفريق، فمشي وراح يلعب في تايلاند عشان يضمن المشاركة كلاعب أساسي وهناك بقى نجم.
فايق البلقية هو كابتن منتخب بروناي، وهو منتخب مشاركش ولا مرة في كاس العالم ولا بطولة آسيا، وتصنفيه الـ191 على مستوى منتخبات العالم.
