مرمى فى اوضه فى بدرون البيت، لا نظافة ولا رعاية ولا أى شئ، وكله من أجل أن يأخذوا أمواله وأرضه التي تعب من أجلها.
حكاية صعبة لأب مصرى أهمله أهل بيته لدرجة أن زوجته وبنته حبسوه .. ليه أهله عملوا كده ؟ .. وليه الناس سكتت عليهم كل الفتره دى ؟ .. كل ده وأكتر هنعرفه مع بعض فى التقرير ده.
واقعة من أبشع الوقائع اللى ممكن تشوفها أو تسمع عنها في حياتك، الزوجة والأبناء حبسوا الأب صاحب البيت فى أوضة فى بدرون البيت ووصلوه لحالة من الإهمال لا يمكن وصفها بالكلام، كل ده عشان ياخدوا أرضة وبيته اللى شقى فيهم طول عمره.
اللى ساعد الزوجة على كده هى والبنت هى الحالة النفسية السيئة اللى الأب فيها بعد أن رحل عنه 3 من ولادة الرجاله، الراجل اللى الله يديه الصحه ويقومه بالسلامه الراجل ده انتهت حياة ولاده الرجاله من فتره، كان عنده 3 رجاله يسدوا عين الشمس وللأسف انتهت حياتهم وسابوا ابوهم وحيد كده الزوجه وبنته التانيه يبهدلوه، اللى قالوا كده هما المسؤولين عن صفحة الشئون الاجتماعية بالغربية، ودول ياجماعه حكو العجب فى اللى حصل مع الراجل.
يقال أن الراجل اتحبس لفترة طويلة مش معلوم هى قد ايه بالظبط، اتحبس فى أوضة فى بدرون بيته، اللى حبسه هما زوجته وابنته وأبن ابنته اللى انتهت حياتها من فتره، يعنى فيه 3 مشاركين فى الواقعة اللى حصلت مع الحاج الله يديه الصحه، ويقال أن دول عملوا كده عشان ياخدو أرضه ويتحكموا فيها هى والبيت اللى كانوا قاعدين فيه، كل الخير اللى هما كانوا فيه ده من شقى وتعب الأب طول السنين اللى فاتت ولما حصل وحالته النفسية باظت قامت الزوجة والأبناء عملوا فيه كده، بهدلوه على الأخر خالص.
حد فيكم هيجى فى باله يسأل على الجيران والأهل، والحقيقة ووفقا للأخبار المتداولة فا الأهل حاولوا يتكلموا مع الزوجة وبنتها كتير ولا مره سمعوا فيها الكلام، كله مره كانوا يعاندوا معاهم ولا يعبروهم، وفى الأخر رسى الموضوع أن الأب فضل فى المكان اللى هوا فيه، ستر ربنا بعد فترة من الكلام والمناحية مع الزوجة والأبنه فيه واحد من الجيران جه في باله أنه يكلم وزارة التضامن الأجتماعى وبالفعل كلمهم وحكى ليهم كل اللى حصل من أول الحكاية خالص لحد اليوم، وبعد ما وزارة التضامن الأجتماعى فطنت للأمر وعملت تحرياتها اتأكدت أن بالفعل حصل كده وقامت مكونه فرقة تدخل راحوا على بيت الراجل وانقذوه من اللى بيحصل فيه من الزوجة وبنتها.
اخدوا الحج منهم وراحوا بيه على دار رعاية تفحصه وتشوف طلباته وفى الأخر هيروح على مكان تابع لوزارة التضامن يفضل فيهم معاهم هما هياخدوا بالهم منه ويراعوه، فى نفس الوقت الزوجة والابنة اتقدم فيهم بلاغات وراحوا النيابة بيتم التحقيق معاهم هناك عشان يعرفوا كل التفاصيل عشان لو فيه حاجة تانية مش معروفه ولا حاجه، وفى النهايه الزوجة وبنتها هيتأدبوا على اللى عملوه فى الأب وكل واحد فيهم هياخد جزاته.. أنتم رأيكم يحصل معاهم ايه ؟ .
