ردَّ شقيق مدربة الأسود أنوسة كوتة على الهجوم الذي تعرّضت له من مساعدها، الذي تعرّض لهجوم من أحد النمور عليه في سيرك طنطا، والذي أدى لبتر ذراعه، مؤكدًا أنها ادعاءات كاذبة على شقيقته “أنوسة”.
وقال شقيق أنوسة كوتة في فيديو عبر حسابه الرسمي على موقع فيسبوك: “يا مفتري، بتقول إن الحيوانات مكلتش من يوم 10 رمضان، يعني حوالي 25 يومًا.. يعني لو كده، أولى ياكلوا إيدك أنت اللي برا القفص، ولا ياكلوا المدربة اللي جوا القفص نفسه. وأنت اللي عندك خبرة 10 سنين في التعامل مع الحيوانات المفترسة بأمارة العمارة الملك اللي كل دور فيها كلاب مفترسة.. لو أنت دخلت واحد صاحبك على الكلاب دي، هياكلوا.. وانت اللي بقالك يومين في السيرك جاي بتتمنظر على حيوانات متعرفكش”.
وأكد شقيق أنوسة أنها حاولت بجميع الطرق أن تنقذه، معلقًا: “إنت بتقول محدش عبرك؟ إزاي؟ وهي جريت بيك على المستشفى بلبس الشغل.. ولا أنت جامد أوي وروحت المستشفى لوحدك؟ والكاميرات جابتك.. وهي فضلت معاك 8 ساعات في المستشفى، وشكلنا كده هنحتاج نفرغ الكاميرات قبل الحادثة وأثناء الحادثة”.
قررت النيابة العامة بمحافظة الغربية إخلاء سبيل محاسن كوتة، والشهيرة بـ “أنوسة كوتة” مدربة الأسود والنمور الشهيرة، بعد سماع أقوالها فيما يخص هجوم نمر على أحد العمال داخل السيرك، أثناء تقديم عرض للزوار في ثاني أيام عيد الفطر المبارك.
كما أمرت نيابة أول طنطا بناءً على توجيهات المستشار أحمد صفوت المحامي العام الأول لنيابات غرب بالتصريح بدفن الذراع المبتور لعامل السيرك بطنطا بمعرفة أسرته.
وأرسل قسم أول طنطا مذكرة رسمية تتضمن قرار النيابة العامة بشأن التصريح بدفن الذراع المبتور للعامل المصاب بمعرفة أهليته، في المحضر رقم 8973 لسنة 2025 جنح أول طنطا، فضلا عن قرار بإغلاق السيرك حفاظا على أرواح المواطنين.
